काठमाडौं : जल तथा मौसम पूर्वानुमान महाशाखाले देशभरी आंशिकदेखि सामान्य बदली रही केही स्थानहरुमा मेघगर्जन र चट्टयाङ्गसहित हल्कादेखि मध्यम वर्षा हुने सम्भावना रहेको जनाएको छ ।
सोमबार बिहान दैनिक बुलेटिन जारी गर्दै देशभरी सामान्य बदली रही केही स्थानहरुमा मेघ गर्जन र चट्टयाङ्गसहित वर्षा हुने सम्भावना रहेकोले मेघगर्जन र चट्याङ्गबाट बच्न आवश्यक सतर्कता अपनाउन महाशाखाले आग्रह गरेको छ ।
साथै देशको पश्चिमी भूभागका एक–दुई स्थानमा भारी वर्षाको सम्भावना रहेका कारण यी स्थानमा यात्रा गर्दा सामान्य सतर्कता अपनाउन समेत आग्रह गरेको छ ।
मनसुनी न्यूनचापीय रेखा औसत स्थानभन्दा केही दक्षिण तर्फ सरेको छ । साथै भारतको मध्य प्रदेशको उत्तरी भाग तथा आसपासका क्षेत्रमा एउटा न्यून चापीय प्रणाली रहेको छ ।
आगामी तीन दिनको मौसम
भदौ ९ गते (सोमबार)
दिउँसो : देशभरी आंशिकदेखि सामान्य बदली रही केही स्थानहरुमा मेघगर्जन र चट्टयाङ्गसहित हल्कादेखि मध्यम वर्षा हुने सम्भावना छ । देशको पश्चिमी भूभागका एक र दुई स्थानमा भारी वर्षाको सम्भावना रहेको छ ।
राति : देशभरी सामान्य बदली रही केही स्थानहरुमा मेघगर्जन र चट्टयाङ्गसहित हल्कादेखि मध्यम वर्षा हुने सम्भावना छ । पश्चिमी भूभागका एक र दुई स्थानमा भारी वर्षाको सम्भावना रहेको छ ।
भदौ १० गते (मंगलबार)
दिउँसो : देशभरी आंशिकदेखि सामान्य बदली रही केही स्थानहरुमा मेघगर्जन र चट्टयाङ्गसहित वर्षा हुनेछ । पश्चिमी भूभागका एक र दुई स्थानमा भारी वर्षाको सम्भावना रहेको छ ।
राति : देशभरी आंशिकदेखि सामान्य बदली रही थोरै स्थानहरुमा मेघगर्जन र चट्टयाङ्गसहित हल्कादेखि मध्यम वर्षा हुनेछ ।
भदौ ११ गते (बुधबार)
दिउँसो : देशभरी आंशिकदेखि सामान्य बदली रही केही स्थानहरुमा मेघगर्जन र चट्टयाङ्गसहित हल्कादेखि मध्यम वर्षा हुनेछ ।
राति : देशभरी आंशिकदेखि सामान्य बदली रही केही स्थानहरुमा मेघगर्जन र चट्टयाङ्गसहित हल्कादेखि मध्यम वर्षा हुनेछ ।
