मकवानपुर : २६ वर्षीया महिलालाई बलात्कार गरेको अभियोगमा विक्रम ब्लोन पक्राउ परेका छन् । राक्सिराङ गाउँपालिका १ कुविनटार बस्ने ४२ वर्षीय ब्लोनलाई सोमबार प्रहरीले पक्राउ गरेको हो ।
मकवानपुर बस्ने महिलालाई जबरजस्ती करणी गरेको अभियोगमा उनी पक्राउ गरेको जिल्ला प्रहरी कार्यालय मकवानपुरले जनाएको छ ।
ब्लोनले ती महिलालाई गत शुक्रबार जबरजस्ती करणी गरेको भन्ने खबर प्राप्त हुनासाथ ईलाका प्रहरी कार्यालय मनहरीबाट खटिएको प्रहरीको टोलीले उनलाई पक्राउ गरेको प्रहरीले जानकारी दिए ।
घटनाबारे थप अनुसन्धान गरिरहेको प्रहरीले जनाएको छ ।
