काठमाडौं। नेकपा माओवादी केन्द्र बाग्मती प्रदेश संसदीय दलको बैठक शुक्रबारदेखि सुरु भएको छ।
काठमाडौंमा सुरु भएको बैठकमा दलको नेता सर्वसम्मतीमै छान्न प्रयास सुरु भएको दलका नेताहरुले बताएका छन् । सहमतिमै दलको नेता छान्ने प्रयास भने अहिलेसम्म कोसिस रहेको छ ।
दलको नेतामा धेरैको दाबी रहेकाले सहमति जुटिसकेको छैन । सहमतिमै टुंग्याउनु पर्ने धेरैको चाहान अनुसार सहमति खोज्ने प्रयास सुरु भएको छ।
दलको नेतामा शालिकराम जमरकट्टेल, गंगनारायण श्रेष्ठ, युवराज दुलाल र सरल सहयात्री पौडेलले दाबी गरेका छन्। पहिलो दिनको बैठकमा सहमति नजुटेपछि बैठक भोलि १ बजेलाई पुनः बोलाइएको छ।
सहमति जुट्न नसकेको अबस्थामा भने निर्वाचनबाट भए पनि टुग्याइने माओवादीको तयारी छ ।
