काठमाडौँ । एसीसी इमर्जिङ टिम्स एसिया कपमा नेपालले आज आफ्नो पहिलो खेलमा पाकिस्तान ‘ए’ सँग प्रतिस्पर्धा गर्ने भएको छ । समूह ‘बी’ अन्तर्गत यस खेल कोलम्बो क्रिकेट क्लबको मैदानमा बिहान सवा १० बजे सुरु हुन लागेको हो ।
रोहित पौडेलको कप्तानीमा नेपाल मैदान उत्रँदा पाकिस्तानको कप्तानी सिनियर टोलीबाट खेलिसकेका मोहम्मद हरिसले गर्नेछन् । पाकिस्तानको ‘ए’ टोली भए पनि त्यसमा सिनियर टोलीबाट अनुभव बटुलिसकेका खेलाडीहरू छन् ।
