काठमाडौँ । हरेक वर्ष क्यान्सरका बिरामी बढिरहेका छन् । यो रोगबाट मृत्यु हुनेको सङ्ख्या पनि बढिरहेको छ । अहिले राम्रो उपचार सुविधा आए पनि क्यान्सर अझै पनि घातक रोग हो । यसको लागि कुनै खोप वा औषधि छैन। यसैबिच, क्यान्सरको बारेमा नयाँ अनुसन्धान बाहिर आएको छ। अनुसन्धानमा ४० वर्ष मुनिका करिब ३० प्रतिशत महिला स्तन क्यान्सरको सिकार हुने गरेको बताइएको छ ।यो अध्ययन नयाँ दिल्ली एम्सले गरेको हो ।
पहिले यो क्यान्सर ६० वर्ष पुगेपछि लाग्ने गर्दथ्यो तर अहिले महिलालाई कम उमेरमै यो रोग लाग्ने गरेको छ । यस अनुसन्धानमा पछिल्लो १० वर्षमा महिलामा स्तन क्यान्सरको घटना ३५ प्रतिशतले बढेको बताएको छ । आसीन जीवनशैली, गलत खानपान, मदिराको सेवन, बढ्दो मोटोपना र ढिलो विवाह यस रोगको प्रमुख कारण हुन् ।
विश्व स्वास्थ्य सङ्गठनको प्रतिवेदन अनुसार विश्वमा करिब ३० लाख महिला स्तन क्यान्सरबाट पीडित छन् । यीमध्ये करिब २० प्रतिशत महिलाको मृत्यु हुन्छ।स्तन क्यान्सर दुई प्रकार हुन्छन् । एउटा नन इनभेसिभ र अर्को इनभेसिभ । कतिपय अवस्थामा आनुवंशिक कारणले पनि स्तन क्यान्सर हुने गर्छ । अर्थात् यो क्यान्सर एक पुस्ताबाट अर्को पुस्तामा सर्छ । तर, पाँचदेखि १० प्रतिशतमा मात्र यस्तो हुन्छ। यसबाहेक अधिकांश अवस्थामा गलत खानपान र अव्यवस्थित जीवनशैली नै यो रोग लाग्नुको मुख्य कारण हो ।
स्तन क्यान्सरबाट बच्न जीवनशैलीमा सुधार र खानपानमा ध्यान दिन जरुरी छ । महिलाहरू पनि रक्सी र धूम्रपानबाट टाढा रहनुपर्छ। जङ्क फुडलाई खानाबाट टाढै राख्नुपर्छ । तौल नियन्त्रणमा राख्नुहोस्। मोटोपन नियन्त्रण आदी ।
स्तन क्यान्सरका लक्षण
स्तनमा गाँठो
स्तन सुन्निने
निप्पल डिस्चार्ज
स्तन आकारमा परिवर्तन
निप्पल रातो हुनु
