काठमाडौँ । संसारमा रक्सी पिउने मानिसहरू धेरै छन् । कतिपय मानिसले मदिरा स्वास्थ्यका लागि फाइदाजनक रहेको दाबी गरे पनि वास्तवमा यसले खतरनाक रोग निम्त्याउने चिकित्सकहरू बताउँछन् । चिकित्सकहरूका अनुसार अत्यधिक मदिरा सेवनले कलेजो रोगदेखि मुटु रोग, पक्षाघात र क्यान्सरसम्मको जोखिम हुन्छ । यति हुँदाहुँदै पनि पिउनेहरूलाई यसले केही फरक पार्दैन। पिउनेहरू जहाँसुकै गएर पिउने गर्छन्, कहिले घरमा वा बार वा रेस्टुरेन्टमा ।
यो अक्सर हुन्छ कि कोही कोहीलाई मदिरा पिए पछि बान्ता सुरु हुन्छ। वास्तवमा, उनीहरूले धेरै रक्सी पचाउन सक्दैनन्, तर त्यस्ता मानिसहरूका लागि अमेरिकाको क्यालिफोर्नियाको एक रेस्टुरेन्टले अनौठो नियम बनाएको छ। रेस्टुरेन्टभित्र कसैले रक्सी खाएर वान्ता गरेमा ५० डलर अर्थात् करिब ६ हजार ५०० रुपैयाँ जरिवाना हुने रेस्टुरेन्टले जनाएको छ । रेस्टुरेन्टले पचाउन सक्ने जति मदिरा पिउन र वान्ता नगर्न आग्रह गरेको छ ।
सीबीएस न्युजको रिपोर्टका अनुसार रेस्टुरेन्ट परिसरमा कुनै ग्राहकले फोहोर फालेमा, मदिरा पिएपछि वान्ता गरेमा जरिवाना गर्ने कडा निर्देशन दिएको छ । यसअघि रेस्टुरेन्टमा मानिसहरू आएर फोहोर फैलाउन थालेकाले कर्मचारीहरूलाई निकै समस्या भएको रेस्टुरेन्ट सञ्चालकले बताए ।
रिपोर्टका अनुसार रेस्टुरेन्टले एउटा नोट राखेको छ जसमा लेखिएको छ, ‘कृपया जिम्मेवारीपूर्वक पिउनुहोस्’। रक्सी खाएर अब कसैले वान्ता गर्न थालेपछि जरिवाना तिर्न नपरोस् भनेर सो गरिएको हो ।
