काठमाडौँ । बालबालिकाको छाला धेरै नाजुक र नरम हुन्छ। यस्तो अवस्थामा सुरुका केही वर्ष र विशेष गरी जाडो मौसममा बालबालिकाको छालाको विशेष ख्याल राख्नु जरुरी हुन्छ । यस मौसममा बाहिर चिसो र घर भित्रको गर्मीले स्वास्थ्यका साथै बालबालिकाको छालामा असर गर्छ । जसका कारण उनीहरूको छाला सुख्खा हुने, दाग र जलन हुने जस्ता समस्या हुन सक्छ ।
कसरी हेरचाह गर्ने
बच्चाहरूलाई नुहाउने
जाडो मौसममा बालबालिकालाई हप्तामा २ देखि ३ पटक नुहाउनुपर्छ । ध्यान राख्नुहोस् कि बच्चाको छाला संवेदनशील छ, त्यसैले तिनीहरूलाई नुहाउँदा हल्का साबुन र मनतातो पानी प्रयोग गर्नुहोस्।
डायपर हेरचाह
धेरै समयसम्म डायपर लगाएका कारण बालबालिकाले प्रभावित क्षेत्रमा दाग र जलन जस्ता समस्याको सामना गर्नुपर्ने देखिन्छ । तसर्थ, ध्यान राख्नुहोस् कि समय९समयमा बच्चाहरूको डायपर परिवर्तन गरिरहनुहोस् र डायपरबाट हुने समस्याबाट बच्न विशेष क्रिमहरू प्रयोग गर्नुहोस्।
सनस्क्रिन
यदि तपाईँ आफ्नो बच्चालाई जाडोमा घाममा पर्नको लागि घरबाट बाहिर लैजाँदै हुनुहुन्छ भने, ६ महिनाभन्दा मुनिका बच्चाको छालामा सनस्क्रिन प्रयोग नगर्नुहोस्।
