काठमाडौँ । मोटरसाइकल चोरीमा संलग्न दुई जनालाई प्रहरीले नियन्त्रणमा लिएको छ । प्रहरीले उनीहरूलाई मङ्गलवार काठमाडौँकोबाट नियन्त्रणमा लिएको हो काभ्रेपलाञ्चोकको भुम्लुगाउँपालिका ५ घर भई हाल काठमाडौँको भिमढुङ्गा बस्ने २४ वर्षीय सुरेश विश्वकर्मा र काभ्रेपलाञ्चोककै तेमाल गाउँपालिका ६ घर भई
काठमाडौँको बालुवाटार बस्दै आएका ३० वर्षीय जितेन्द्र तामाङलाई ट्राफिक प्रहरीले नियन्त्रणमा लिएको हो ।
बागमती प्रदेश ०२-०४१ प ०० ८६ नम्बरको मोटरसाइकल काठमाडौँको टोखाबाट हराएको भनी काठमाडौँ उपत्यका ट्राफिक प्रहरी कार्यालयमा निवेदन प्राप्त भएको थियो वास्तविक नम्बर परिवर्तन गरी प्रदेश २-०३-००८ प ४२ ४८ नम्बर राखी चलाइरहेको अवस्थामा सुरेश विश्वकर्मालाई काठमाडौँ उपत्यका ट्राफिक प्रहरी कार्यालयमा रहेको पीडित सहायताईकाइबाट खटिएको टोलीले फेला पारी काठमाडौँ महानगरपालिका १६ पुरानो गंगाहल
नजिकैबाट नियन्त्रणमा लिएको हो ।
अनुसन्धान गर्ने क्रममा उक्त मोटरसाइकल जितेन्द्र तामाङ मार्फत विश्वकर्माले खरिद गरेको खुल्न आए पछि तामाङलाई समेत काठमाडौँको थापाथलीबाट नियन्त्रणमा लिएको छ । नियन्त्रणमा आएका दुवै जनालाई थप अनुसन्धान तथा कारबाहीका लागी प्रहरी वृत्त महाराजगन्ज पठाइएको छ ।
आफ्नो सवारी साधन सुरक्षित स्थानमा पार्किङ गर्ने, ह्वील लक, चेन लक, ह्यान्डिल लक, डिस्क लक, लगायत सुरक्षा साइरनहरू जडान गर्नुका साथै मानिसहरूको आवत जावत नहुने एकान्त स्थानमा पार्किङ नगर्न काठमाडौँ उपत्यका ट्राफिक प्रहरी कार्यालयका प्रवक्ता प्रहरी वरिष्ठ उपरीक्षक राजेन्द्र प्रसाद भट्टले सम्पूर्णलाई अनुरोध गरेका छन् ।
