![पूर्व सचिव भीम उपाध्याय](https://i0.wp.com/www.thenepaltop.com/wp-content/uploads/2024/02/bhim-2.png?fit=1920%2C1080&ssl=1)
काठमाडौँ । मेलम्ची खानेपानी आयोजनामा भ्रष्टाचार गरेको अभियोगमा पूर्व सचिव भीम उपाध्याय र सञ्जय शर्मासहित १४ जनाविरुद्ध भ्रष्टाचार मुद्दा दायर भएको छ । अख्तियार दुरुपयोग अनुसन्धान आयोगले आइतबार विशेष अदालतमा भ्रष्टाचार मुद्दा दायर गरेको छ ।
भ्याटबाहेक ७ अर्ब ७२ करोड रुपैयाँमा ठेक्का सम्झौता गर्दा सम्झौता विपरीत कानुनले तोकेभन्दा बढी पेस्की मोबिलाइजेसन गरेको आरोपमा मुद्दा दायर गरिएको छ । आयोगले मेलम्ची खानेपानी विकास समितिका तत्कालीन बोर्ड सदस्य रुद्रसिंह तामाङविरुद्ध पनि भ्रष्टाचार मुद्दा दायर गरेको छ । तामाङ हाल अध्यागमन विभागका महानिर्देशक छन् ।
सचिवहरू क्रमशः शर्मा, उपाध्याय, गजेन्द्रकुमार ठाकुरविरुद्ध आयोगले क्रमशः ६ करोड ९७ लाख ८३ हजार १७८ रुपैयाँ ९६ पैसा, ४ करोड ११ लाख ३४ हजार २७९ रुपैयाँ ९२ पैसा र ६० करोड ४९ लाख १९ हजार ८८४ रुपैयाँ ३१ पैसा बिगो सहितको माग दाबी लिएको छ ।