![](https://i0.wp.com/www.thenepaltop.com/wp-content/uploads/2024/04/qatar-king.png?fit=1280%2C720&ssl=1)
काठमाडौँ । कतारका राजा नेपाल भ्रमणमा आउने दिन सरकारले भोलि मङ्गलवार सार्वजनिक बिदा दिएको छ ।सोमबार बसेको मन्त्रिपरिषद् बैठकले सार्वजनिक बिदा दिने निर्णय गरेको सरकारकी प्रवक्ता सञ्चार तथा सूचना प्रविधि मन्त्री रेखा शर्माले जानकारी दिइन् ।
कतारका अमिर (राजा) शेख तमिम बिन हमाद अल थानी दुई दिने नेपाल भ्रमणका लागि नेपाल आउँदै छन् । विदेशी राष्ट्र प्रमुख नेपाल भ्रमणमा आउँदा यसअघि पनि सरकारले सार्वजनिक बिदा दिने गरेको थियो ।