काठमाडौँ । हतियारधारीले जनकपुरधामबाट सहकारी संस्थाका एक कर्मचारीबाट ८० लाख रुपैयाँ लुटेका छन् । शुभश्री बचत तथा ऋण सहकारीका कर्मचारी वीरेन्द्रकुमार महतोलाई पेस्तोल देखाएर लुटेराले ८० लाख लुटेका हुन् ।
महतोले मोटरसाइकलमा आएका दुई जना हतियारधारीले जनकपुरधाम उपमहानगरपालिका १९ बाट आफ्नो साथमा भएको रकम लुटेको बताएका छन् ।महतो बैङ्कबाट रकम निकालेर सहकारी तर्फ जाँदै थिए । घटनाका विषयमा अनुसन्धान गरिरहेको प्रहरीले जनाएको छ ।
