नयाँ आईजीपीमा ठाकुर ज्ञवाली पक्का



काठमाडौं : आज २८ गतेदेखि नेपाल प्रहरीको प्रहरी महानिरीक्षक(आईजीपी) सर्वेन्द्र खनालको अवकाशसँगै २७ औं प्रहरी महानिरीक्षकमा डिआईजी ठाकुर ज्ञवाली बन्ने भएका छन् । यससम्बन्धमा प्रधानमन्त्री केपी शर्मा ओलीले गृहमन्त्री रामबहादुर थापा बादललाई प्रस्ताव उठाउन दिर्नेशन दिएअनुसार प्रस्ताव तयार भईसकेको श्रोतको दाबी छ । हिजो सोमबार बसेको मन्त्रीपरिषद बैठकले ज्ञवालीको नाम ल्याउने भनिएपनि हिजो त्यो हुन सकेको थिएन । आज मंगलबार बस्ने मन्त्रीपरिषदको बैठकले बरिष्ठ डिआइजी ज्ञवालीलाई आईजीपी बनाउन लागेको हो ।

हालका आईजीपी खनालले प्रहरी नियमावली संसोधन गरेर प्रहरी महानिरीक्षक(आईजीपी)को पद लम्ब्याउने योजनामा रहेका भए पनि उको प्रयास असफल हुन पुगेको छ । खनालको अवकाश मिति नजिकिदै गर्दा प्रधानमन्त्री केपी शर्मा ओलीले यस विषयमा आन्तरिक गृहकार्य अगाडी बढाउन गहृमन्त्री रामबहादुर थापा(बादल)लाई निर्देशन दिएका थिए ।

आजकै मितिदेखि आईजीपी खनालसँगै तीन एआईजी र १८ डिआईजीले एकैपटक सेवा अवधिका कारण अनिवार्य अवकाश पाउँदैछन् । प्रदेश नम्बर एकको प्रहरी प्रमुखका रुपमा कार्यरत डिआईजी ज्ञवालीको नाममा आईजीपीमा बढुवा गर्ने प्रधानमन्त्री ओली र गृहमन्त्री बादलबीच सहमति भएको थियो ।

३० वर्षे सेवाअवधिका कारण प्रहरी महानिरीक्षक खनालसहित २२ उच्च अधिकारीहरुले अनिवार्य अवकाश पाएपछि डिआइजी ज्ञवाली आईजीपी बन्ने बाटो खुलेको हो । २०४७ असार २५ गते प्रहरी निरीक्षकबाट प्रहरी सेवामा प्रवेश गरेको ज्ञवालीलाई सरकारले नेपाल प्रहरीको नेतृत्व सुम्पेपछि उनले करिब ५ महिना नेपाल प्रहरीको सर्बोच्च पद आईजीपीका रुपमा नेतृत्व सम्हाल्नेछन् । उनले सेवाअवधिका कारण आउदो असारको अन्तिम साता अनिवार्य अवकाश पाउनेछन् ।

आईजीपी खनालसहितका २२ भाई २०४६ माघ २९ गते प्रहरी सेवामा प्रवेश गरेका थिए । ३० वर्षे सेवा अवधि पूरा गरेर उनीहरुले अवकाश पाउन लागेका हुन् । प्रहरी नियमावली संसोधन गरेर ३० वर्षे सेवाअवधि हटाउदा आईजीपी खनालको पदावधि लम्बिने र एआईजी पुष्कर कार्की पनि आईजीपी हुने चर्चा थियो । तर तत्काल नियमावली संसोधन गर्दा बढुवामा जाम हुने भन्दै बढुवाको मुखमा रहेका बरिष्ठ अधिकारीहरुले असन्तुष्टि जनाएपछि नियमावली संसोधनको प्रकृया अगाडी बढाएको गृहमन्त्रालयले यो प्रकृयालाई स्थगित गर्न पुगेको थियो ।

यसरी सेवाबाट अवकाश पाउनेमा एआइजीपी खनालसँगै एआईजीत्रय पुष्कर कार्की, ठूले राई र धिरु बस्नेत रहेका छन् ।

यस्तै एकै दिन अवकाश पाउने डीआइजीहरुमा मनोज न्यौपाने, सुरेशविक्रम शाह, पिताम्बर अधिकारी, केदार रिजाल, नारायणसिंह खड्का, कमलबहादुर जीटी, शेरबहादुर बस्नेत, दिनेश अमात्य, रामप्रसाद श्रेष्ठ, दीपककुमार थापा छन् । यसैगरी विनोद शर्मा घिमिरे, पूर्णचन्द्र जोशी, दानसिंह बोहरा, हरिभक्त प्रजापति, विकास श्रेष्ठ, महेशविक्रम शाह, सुरज केसी, महेन्द्रकुमार पोखरेल रहेका छन् । यस मध्ये डीआइजी महेशविक्रम शाह वन सेवामा जागिर खाएकाले त्यो अवधि समेत जोडिएर पुसको पहिलो हप्ता नै अवकाश पाएका छन् ।

प्रतिक्रिया दिनुहोस्