images

आपँको रुखमाथि सुत्केरी भइन् अमेलिया

एजेन्सी | प्रकाशित: २०७५-१२-२४ गते
आपँको रुखमाथि सुत्केरी भइन् अमेलिया

मापुतो : पानीमा उत्रिइरहेका शव, सडकमा असरल्ल ढलेका रुख र बिजुली खम्बा। ठाउँ ठाउँमा चर्किएको जमिन। सिकिस्त घाइते र ज्यान जोगाउन जता पायो त्यतै फाल तोडिरहेका मानिस।

यस्तै एउटा आँधीहुन्डरी ‘इडा’ चलिरहेका बेला अफ्रिकी राष्ट्र मोजाम्बिकमा एक महिला आँपको रुखमा सुत्केरी भएकी छन्। हालैको इडाका कारण आएको बाढीबाट जोगिन मोजाम्बिकको मध्य भूभागमा अमेलिया २ बर्से छोरासहित आँपको रुखमा चढेकी थिइन्। त्यसैबेला उनले छोरी सारालाई जन्म दिइन्।

आँधीको दुई दिनपछि मात्र रुखमा सुत्केरी भएकी अमेलिया, उनकी नवजात छोरी र उनका २ बर्से छोराको उद्धार छिमेकीले गरेका थिए। इडाले ७ सयभन्दा बढीको ज्यान लिएको छ।

मोजाम्बिकमा यस्तो ‘मिराकल बेबी’ जन्मेको २० वर्षयता दोस्रो हो। यसअघि २० वर्षअघि मोजाम्बिकको दक्षिणी भूभागमा बाढीका बेला यसैगरी रोजिटा माबुंगो रुखमाथि जन्मेकी थिइन्।

अमेलियाले युनिसेफसँग भनिन्, ‘म छोरासँग घरमा बसिरहेका बेला एक्कासी घरभित्र बाढी पस्यो। बाढीबाट जोगिन छोरा लिएर रुख चढ्नुबाहेक मसँग अर्को विकल्प थिएन।’ अमेलिया एकल महिला हुन्। अहिले भने उनी दुवै सन्तानसहित दोम्बे भन्ने ठाउँनजिक एउटा अस्थायी घरमा शरण लिएकी छन्। आमाछोरी दुवै स्वस्थ्य छन्।

२० वर्षअघि  जन्मेकी ‘मिराकल बेबी’ रोजिटा भने यतिबेला १९ वर्षीया युवती भइसकिन्। उनी जन्मेपछि एउटा हेलिकप्टरले उनलाई बाढीबाट सुरक्षित उद्धार गरेको थियो र यो समाचार अन्तर्राष्ट्रिय सञ्चारमाध्यममा चर्चित भएको थियो।

‘म रोएँ, कराएँ, चिच्याएँ’, अमेलियाले स्थानीय एउटा अखबारसँग भनिन्, ‘कतिपल्ट मलाई लाग्थ्यो कि शिशु निस्कँदैछ, तर फेरि मलाई लाग्थ्यो कि भोको पेट भएकाले सुत्केरी हुन लागेजस्तो महसुस भएको हो कि जस्तो पनि लाग्थ्यो।’ उनले इडामा प्रायःजसो सबैले केही न केही गुमाए, तर आफूले भने पाएको बताइन्।

रोजिटाले बिबिसीसँगको कुराकानीमा सरकारले आफूलाई छात्रवृत्ति दिने घोषणा गरेको बताइन्। साथै सरकारले उनलाई सरकारी खर्चमा अमेरिकामा अध्ययन गराउने वचन दिएको तर केही पनि नगरेको गुनासो गरिन्। उनी भन्छिन्, ‘मेरो सबै अध्ययन खर्च मेरी आमाले नै बेहोरिन्। सरकारले मलाई केही पनि दिएन।’

तैपनि उनी सरकारले आफूलाई एउटा घर बनाइदिएको भने स्विकार्छिन्। अहिले भने घर जीर्ण भइसकेको छ। पानी पर्दा घरभित्र चुहिने उनले बताइन्। उनी सरकारले घर मर्मत गरिदिने आसमा छिन्।

images
images
images
सम्बन्धित समाचार

हनिमुनमा पत्नीलाई रक्सी खुवाएर मुखमा कोचिदिए सिसाको टुक्रा, सीसीटिभिमा कैद भयो घटना

हनिमुनमा पत्नीलाई रक्सी खुवाएर मुखमा कोचिदिए सिसाको टुक्रा, सीसीटिभिमा कैद भयो घटना

हनिमुन मनाउन गएका एक जोडिको डरलाग्दो भिडियो बाहिरिएको छ । यसक्रममा पतिले पत्नीलाई रक्सी खुवाएर, उक्त रक्सीको गिलासल..

पाकिस्तानका पूर्व प्रधानमन्त्री अब्बासी भ्रष्टाचार आरोपमा पक्राउ

पाकिस्तानका पूर्व प्रधानमन्त्री अब्बासी भ्रष्टाचार आरोपमा पक्राउ

काठमाडौं : पाकिस्तानका पूर्व प्रधानमन्त्री शाहिल खकान अब्बासी भ्रष्टाचारको आरोपमा पक्राउ परेका छन् । ..

भारतले सोमबार चन्द्रयान प्रक्षेपण गर्ने

भारतले सोमबार चन्द्रयान प्रक्षेपण गर्ने

नयाँदिल्ली : भारतले आगामी सोमबार चन्द्रयान प्रक्षेपण गर्ने घोषणा गरेको छ। गत साता प्रक्षेपणको पूर्वसन्ध्यामा इन्धन..

जापानको एक स्टुडियोमा आगलागी, २३ जनाको मृत्यु (अपडेट)

जापानको एक स्टुडियोमा आगलागी, २३  जनाको मृत्यु (अपडेट)

काठमाडौं : जापानको क्योतो एनिमेसन स्टुडियोमा आगलागी हुँदा २३ जनाको मृत्यु भएको छ। क्योतो सहरमा रहेको स्टु..

भारतको मुम्बईमा १०० वर्ष पुरानो भवन भत्किँदा १२ जनाको मृत्यु

भारतको मुम्बईमा १०० वर्ष पुरानो भवन भत्किँदा १२ जनाको मृत्यु

काठमाडाैं : भारतीय राज्य महाराष्ट्रको मुम्बईमा भएक भवन भत्किँदा कम्तिमा १२ जनाको मृत्यु भएको छ। भवनमा अझै पनि..

एक किलो प्लाष्टिकको फोहोर दिँदा निःशुल्क खाना

एक किलो प्लाष्टिकको फोहोर दिँदा निःशुल्क खाना

काठमाडौं : भारतको छत्तिसगढको अम्बिकापुरमा गार्बेज क्याफे योजना सुरु भएको छ। नगर निगमले शहरका गरिब र घरबारबहिनी..