काठमाडौं : सफल वैवाहिक जीवनका लागि आपसी समझदारी र एकअर्काको स्वतन्त्रताको सम्मान अति नै आवश्यक हुन्छ भन्ने जवाफ दिएर निर्णायकको मन जित्दै काठमाडौँ धुम्बाराहीकी २९ वर्षीया शान्ति लिम्बूले ‘मिसेस ब्यूटी क्वीन’को ताज पहिरिएकी छिन् ।
कमलादीस्थित शनिबार राति प्रज्ञा भवनमा भएको अन्तिम प्रतिस्पर्धामा उत्कृष्ट २२ प्रतियोगीलाई पछि पार्दै लिम्बूले ताज जितेकी हुन । योसँगै उनले ‘पर्सनालिटी अवार्ड’समेत प्राप्त गरिन ।
सिजन मिडियाको आयोजनामा भएको मिसेस ब्यूटी क्वीन नेपालको दोस्रो संस्करणको प्रतियोगितामा २२ प्रतियोगीमध्ये छानिएका उत्कृष्ट १० आमालाई ‘तपाईंको विचारमा सफल वैवाहिक जीवनका लागि महत्वपूर्ण कुराहरू के हुन सक्छन्’ भनेर प्रमुख निर्णायक प्रतावराज वन्तले सोधेको जिज्ञासाको जवाफमा प्रतियोगी नम्बर २४ की लिम्बुले भनिन्, ‘मेरो विचारमा सफल वैवाहिक जीवनमा आपसी समझदारी, एकअर्काको स्वतन्त्रताको सम्मान, विश्वास, माया, एकअर्काको हरेक कुरामा सहकार्य, यो कुराको कमी भयो भने वैवाहिक जीवनमा हिंसाको बास हुनसक्छ ।’
यही जवाफले आठ निर्णायकको मन जितेर उनले ताज पहिरिइन । उनलाई यस अघिकी मिसेस ब्यूटी क्वीन सदीक्षा अर्यालले ताज पहि¥याएकी थिइन । ताजसँगै उनले नगद ५० हजार रुपैयाँ र स्कुटरसहित दुबई यात्राको दोहोरो हवाई टिकट प्राप्त गरिन । प्रतियोगितामा काठमाडौं ज्ञानेश्वरकी ३० वर्षीया मनिशा विमली फष्ट रनर अप र काठमाडौं, सानो भ¥याङकी ३५ वर्षीया जयन्ती गौतम सेकेन्ड रनर अप हुन सफल भइन ।
विमलीेले नगद ३० हजार रुपैया सहित वासिङ मेसिन र दुबईका लागि हवाई टिकट तथा गौतमले नगद २० हजार रुपैया र भ्याकुम क्लिनर तथा दुबईको दोहोरो हवाई टिकट प्राप्त गरिन । प्रतियोगितामा पूजा रसाईलीले ब्यूटिफूल अवार्ड, शोभा गिरीले कन्फिडेन्ट अवार्ड र सुस्मिता गिरिले एन्जल हर्ट अवार्ड प्राप्त गरिन ।
