एजेन्सी : ६ महिनाभन्दा बढी समयदेखि फैलिएको कोरोना भाइरसको संक्रमणले रूसमा ७ लाख ५२ हजारभन्दा बढी मानिस संक्रमित भएका छन् ।
शुक्रबार बिहान यो समाचार तयार पार्दासम्म पछिल्लो २४ घण्टामा १६७ जनाको मृत्यु भएपछि ज्यान गुमाउनेको संख्या ११ हजार ९३७ पुगेको हो ।
एकै दिन ६ हजार ४२८ जनामा संक्रमण देखिएपछि संक्रमित हुनेको संख्या ७ लाख ५२ हजार ७९७ पुगेको छ ।
२ लाख ९ हजार १६८ जनाको उपचार भइरहेको छ भने ५ लाख ३१ हजार ६९२ जना संक्रमणमुक्त भएको वर्ल्डोमिटर्सले जनाएको छ।
