चितवन– कोरोना भाइरसको संक्रमणबाट चितवनको भरतपुरमा उपचाररत एक जना संक्रमितको मृत्यु भएको छ।
पूर्वि नवलपरासीको गैंडाकोट नगरपालिका–२ का ५४ वर्षीय पुरुषको मृत्यु भएको हो। उनको चितवन मेडिकल कलेजमा उपचारका क्रममा मृत्यु भएको अस्पतालले जनाएको छ।
श्वासप्रश्वासमा समस्या भएपछि कात्तिक ३ गते चितवन मेडिकल कलेजमा भर्ना गरिएको थियो। उपचारका क्रममा स्वाब परीक्षण गराउँदा कात्तिक ४ गते कोरोना संक्रमण पुष्टि भएको थियो।
उनको आईसीयूमा राखेर उपचार भइरहेको थियो। उपचारका क्रममा मंगलबार साँझ मृत्यु भएको अस्पतालले जनाएको छ।
