काठमाडौं : जल तथा मौसम पूर्वानुमान महाशाखाले देशभरका अधिकांश क्षेत्रको मौसम बिहीबार सामान्यतया सफा रहने जनाएको छ ।
देशभर अहिले उल्लेखनीय मौसमी प्रणाली विकसित भएको छैन, तर स्थानीय वायुको प्रभावले उच्च पहाडी तथा हिमाली क्षेत्रमा आंशिक बदलीको सम्भावना छ ।
अहिले देशको उच्च पहाडी तथा हिमाली क्षेत्रमा आंशिक बदली भएको छ । बाँकी भू–भागको मौसम सामान्यतया सफा रहेको मौसमविदले बताएका छन् ।
बिहीबार दिउँसो पहाडी भू–भागमा आंशिक बदली रही बाँकी क्षेत्रको मौसम सामान्यतया सफा रहनेछ ।
यस्तै राति पहाडी भू–भागमा आंशिक बदली रही क्षेत्रको मौसम सामान्यतया सफा रहने मौसमविदले बताएका छन् ।
यसैगरी शुक्रबार दिउँसो र राति देशभरको मौसम सामान्यतया सफा रहनेछ महाशाखाले जनाएको छ ।
त्यस्तै शनिबार पनि देशभरको मौसम सामान्यतया सफा रहनेछ ।
तराईका केही क्षेत्रमा बिहान लागेको हुस्सु बिस्तारै खुल्दै जाने महाशाखाले जनाएको छ ।
प्रकाशित : मंसिर ४, २०७७
