विदेशबाटै श्रम स्वीकृति दिने तयारी गर्दै सरकार



काठमाडौं : वैदेशिक रोजगारीमा कार्यरत नेपाली कामदारलाई विदेशस्थित कूटनीतिक नियोगमार्फत दुई पटकसम्म श्रम स्वीकृति (रिइन्ट्री) जारी गर्ने तयारी सरकारले गरेको छ।

 

वैदेशिक रोजगार ऐन २०६४ संशोधन गरी विदेशमा रहेका कामदारलाई कूटनीतिक नियोगमार्फत नै श्रम स्वीकृति दिने व्यवस्था गर्न लागिएको हो। संशोधनका लागि तयार गरिएको ऐनको मस्यौदामा यो व्यवस्था समावेश गर्न श्रम रोजगार तथा सामाजिक सुरक्षामन्त्री गोर्कण विष्टले प्रस्ताव गरेका थिए। 

 

उक्त ऐन मन्त्रिपरिषद् बैठकबाट पारित भएर छलफल र रायका लागि संसदमा पठाइएको छ। संसदबाट संशोधन प्रस्ताव पारित भएपछि कामदारलाई नियोगबाटै पुनः श्रम स्वीकृति जारी गर्न सुरु गरिने श्रम, रोजगार तथा सामाजिक सुरक्षा मन्त्रालयले जानकारी दिएको छ।

 

श्रम स्वीकृतिकै गर्न नेपालमा नै आउनुपर्ने हालको व्यवस्था भएकाले धेरै नेपालीले समस्या भोग्दै आएका छन्। कामदारका समस्या दृष्टिगत गरी विदेशबाट श्रम स्वीकृति जारी गर्ने योजना अघि सारिएको मन्त्रालयको भनाई छ। 

 

नियोगमार्फत श्रम स्वीकृति वितरण गर्दा श्रम अवधि सकिएपनि रोजगारदाता देशमै बसेर काम गरिरहेका करीब ९ लाख कामदार लाभान्वित हुने मन्त्रालयको विश्वास छ। यो व्यवस्था कार्यान्वयनमा आएपछि अवैधानिक भएर विदेशमा काम गर्ने क्रम अन्त्य हुने मन्त्री विष्टको बुझाई छ। यसअघिका सरकारले पनि यस्तो योजना ल्याएका भएपनि कार्यन्वयन भएको थिएन।

 

 

कुटनीतिक नियोगमार्फत दुई पटक श्रम स्वीकृति वितरणको काम सुरु गर्दा विदेशमा रहेका महिला कामदारलाई बढी फाइदा हुने देखिन्छ। 

 

सरकारले दुई वर्षदेखि खाडीका देश र मलेसिया घरेलु काममा जान महिला कामदारलाई  रोक लगाएको छ। सरकारले रोक लगाएपछि श्रम अवधि सकिएका धेरै महिला पुनः विदेश आउन नपाउने डरले रोजगारदाता देशमै अवैध भई काम गरिरहेका छन्। 

 

राम्रो काम र कमाइ हुने धेरैजसो घरेलु कामदार अवैध रुपमा विदेशमा काम गर्न बाध्य थिए। नियोगमार्फत श्रम स्वीकृति जारी गर्न सुरु गरेपछि त्यसरी बसेर काम गरिरहेका महिला लाभान्वित हुनेछन्। 

 

यो व्यवस्था लागू भए वषौंदेखि घर फर्कन नपाएका महिलाले श्रम स्वीकृति लिएर उतै काम गर्ने सहज हुनेछ। 

 

सरकारले विदेशबाटै श्रम स्वीकृति जारी गर्न सुरु गरेपछि श्रम स्वीकृति लिनकै लागि नेपाल आउनुपर्ने बाध्यात्मक परिस्थिति अन्त्य हुने मन्त्रालयको भनाइ छ।

प्रतिक्रिया दिनुहोस्
मुख्य समाचार

काठमाडौं– सर्वोच्च अदालतले सामाजिक उत्तरदायित्व अन्तर्गत बैंक र उद्योगले आफ्नो खुद नाफाको एक प्रतिशत रकम

काठमाडौं : अनशनकै क्रममा नेपालगञ्जबाट मंगलबार काठमाडौं आएका डा.गोविन्द केसी राष्ट्रिय ट्रमा सेन्टरबाट बाहिरिएका छन्

काठमाडौं : स्वास्थ्य तथा जनसंख्या मन्त्रालयले ६० वर्ष पुगेका र दीर्घ रोगी भएकाहरुलाई अत्यावश्यकबाहेक घरबाहिर

काठमाडौं– राष्ट्रियसभाको विधायन व्यवस्थापन समितिले निर्वाचन प्रणालीलाई सुधार गर्न निर्वाचन ऐन परिमार्जनको काम अगाडी बढाउने

काठमाडौं– शिक्षा क्षेत्रमा भएका भूकम्पपछिका पुनर्निर्माण प्रयासहरुबारे तयार पारिएको सीबीआरआई परियोजना वेबसाइटको भारतीय राजदूत विनय

काठमाडौं– नेपाल कानून समाजले भ्रष्टाचार नियन्त्रणका लागि निर्वाचन प्रणाली र राजनीतिक संस्कार सुधार हुनु आवश्यक

गुल्मी : इस्मा गाउँपालिका –२ हस्तीचौर, रातचौर, स्यालाको पहिरोमा पुरिएर दुई जनाको मृत्यु भएको छ

काठमाडौँ : निजामती कर्मचारीहरूको आधिकारिक ट्रेड युनियनको निर्वाचन स्थगित भएको छ । प्रधानमन्त्री निवास बालुवाटारमा

काभ्रे : जिल्लामा कोरोना संक्रमणबाट थप एक जनाको मृत्यु भएको छ । पनौती नगरपालिका–५ चौकोटकी

काठमाडौं : नेपाल प्रहरीका ४८८ जना प्रहरी निरीक्षकहरुको सरुवा भएको छ । प्रहरी महानिरीक्षक शैलेश

काठमाडौं । पूर्वप्रधानमन्त्री डा. बाबुराम भट्टराईले चीनबाट आयात गर्न लागिएका सामान लामो समयदेखि सीमामै रोकिँदा

चितवन : चितवनमा थप २३ जनामा कोरोना संक्रमण पुष्टि भएको छ । भरतपुर अस्पतालको कोभिड