नेपाल इरानसँग ४-० गोलले पराजित



काठमाडौं। नेपालको यू-२३ टिम इरानसँग ४-० गोल अन्तरले पराजित भएको छ। एएफसी यू-२३ एसियन कप छनोटअन्तर्गत आज भएको खेलमा नेपाल बलियो टोली इरानसँग पराजित भएको हो।

खेल ताजकस्तानको रिपब्लिकन सेन्ट्रल रंगशालामा नेपाली समयअनुसार साँझ पौने पाँच बजे शुरु भएको थियो। पहिलो हाफ गोलरहित बराबरीमा सकिएको खेलमा इरानले दोस्रो हाफमा ४ गोल गरेको हो।

एसियन कप छनोटमा नेपाल समूह बी मा रहेको छ। नेपाल रहेको समूहमा इरानसँगै ताजकस्तान र लेबनान रहेको छ। नेपालले २८ अक्टोबरमा ताजकस्तान र ३१ अक्टोबरमा लेबनानसँग खेल्नेछ।

प्रतिक्रिया दिनुहोस्