काठमाडौं । सहिद स्मारक ए डिभिजन लिगका आठ क्लबले शुक्रबार हुन लागेको आसन्न नेपाल सुपर लिग (एनएसएल) को विरोध गरेका छन्। यसअघि पनि खेलाडीहरूको उपलब्धतालाई लिएर विज्ञप्ती जारी गरेका क्लबले आफूहरूसँगकाे सम्झौतामा रहेका खेलाडीलाई एनएसएलको अक्सनमा राखेको भन्दै एन्फाको गम्भीर ध्यानाकर्षण सहित आपत्ति जनाएका हुन्।
विज्ञप्तिमा अखिल नेपाल फुटबल संघ (एन्फा) ले आफूहरूकाे मागप्रति चासो नदेखाएको पनि उल्लेख गरेका छन्। ए डिभिजन लिगका आठ क्लबहरूले अक्सनका लागि एनएसएल आयोजकले आफूहरूसँग छलफल नगरेकाले छलफल हुनुपर्ने माग यथाशीघ्र सम्बोधन हुनुपर्ने माग गरेका छन्।
यसो नभए यसबाट उत्पन्न हुने परिस्थितिको जिम्मेवार एन्फा नै हुने विज्ञप्तिमा उल्लेख छ। यस पटक एनएसएलमा १० क्लब रहनेछन् । पहिलो संस्करणमा सात टोली रहँदा दोस्रो संस्करणमा तीन टोली थप गरिएको हो ।
