काठमाडौं: काठमाडौंको मूलपानीमा बुधबार दिउँसो बालिका बलात्कृत भएकी छिन् । मूलपानीको क्रिकेट मैदानमा खेलिरहेकी बालिका बलात्कृत भएको प्रहरीले जनाएको छ । बुधबार मध्यान्ह १२ बजे क्रिकेट मैदानको कम्पाउण्ड बनाउने मजदुरहरूले १२ वर्षीया बालिकालाई बलात्कार गरेका हुन् ।
कागेश्वरी मनहरा नगरपालिका–६ मा पर्ने क्रिकेट मैदानभित्र घुम्न आएका बेला बालिका बलात्कारमा परेको महानगरीय प्रहरी परिसर काठमाडौंका प्रवक्ता एसपी होविन्द्र वोगटीले जानकारी दिएका छन् ।
घटनामा संलग्नको आरोपमा प्रहरीले ४ जनालाई पक्राउ गरेको छ । पक्राउ पर्नेमा बर्दियाका नरेश चौधरी, बिक्कु थारु, डिल्लीराम थारु र धादिङका रविन इटनी रहेका छन् ।
