काठमाडौं । सोमबारदेखि कक्षा १२ को परीक्षा सुरु हुँदै छ। परीक्षामा चार लाख १५ परीक्षार्थी सहभागी हुनेछन्। परीक्षा बिहान ८ बजेदेखि सुरु हुनेछ। यही जेठ २५ गतेसम्म चल्ने परीक्षामा देशभर एक हजार २ सय ९२ परीक्षा केन्द्र तोकिएको छ।
७७ जिल्लाका सबै केन्द्रमा परीक्षा सुरु हुनुभन्दा आधा घण्टा अगाडि अनलाइनबाट प्रश्नपत्र पठाइने राष्ट्रिय परीक्षा बोर्डले जनाएको छ। परीक्षा केन्द्रले प्रश्नपत्र फोटोकपी गरेर परीक्षार्थीलाई वितरण गर्नेछ।
