काठमाडौँ । मोबाईल फोनका साथै ओप्पोले अनिद्राको समस्या पत्ता लगाउने हेल्थ मनिटरिङ फङ्क्सन सहित ओप्पो ब्यान्ड बजारमा उपलब्ध गराएको छ । उक्त ब्यान्डले मानिसको ब्लड र अक्सिजन मनिटरिङ गर्ने ओप्पो ब्यान्ड बजारमा उपलब्ध गराएको हो । यो संगै ओप्पोले विभिन्न वेयरबल स्मार्ट डिभाईसहरु पनि उपलब्ध गराएको छ ।
ब्यान्डले लगातार ब्लड अक्सिजन मनिटरिङ फङ्शन प्रदान गर्दछ, जसले सुत्ने बेलामा प्रत्येक सेकेन्ड ब्लड अक्सिजन सेचुरेसनको निगरानी गर्दछ । ओप्पो ब्यान्डले १२ वर्कआउट मोडहरू र अन्य सुविधाजनक प्रकार्यहरू पनि प्रदान गर्दछ, जुन सक्रिय, व्यस्त जीवनशैलीका लागि उपयुक्त छ । डिजाइनको कुरा गर्दा, ओप्पो ब्यान्डले ओप्पो एस्थेटिकलाई जारी राखी १.१ इन्च फुल कलर अमोल्ड स्क्रिनको साथ बजारमा उपलब्ध गराएको छ ।
आजकल निद्रा नलाग्ने समस्या मध्यम–उमेर वा वृद्धहरूका लागि मात्र नभएर युवायुवतीहरुमा पनि समस्याहरु छन् यसका मुख्य कारणहरु तनाव, व्यस्त जीवनशैलीलाई मान्न सकिन्छ । ओप्पो ब्यान्डको हेल्थ मनिटरिङ फङ्क्सनले विशेषत निद्राको समस्या पत्ता लगाउन सहयोग गर्दछ । यसले सही निद्रा निगरानी हर्ट रेट निरन्तर अनुगमन गर्दछ । यसको प्रयोगकर्ताको निद्रा समस्याकोे चौतर्फी रेकर्ड र विश्लेषण गर्ने जनाइएको छ ।
बिल्ट–इन अप्टिकल रगत अक्सिजनको निगरानी सेन्सरले गर्दछ । यो कम्पोनेन्टले ओप्पो ब्यान्ड प्रयोगकर्ता सुतिरहेको बेला रगत अक्सिजनको मात्रा प्रति सेकेन्ड निरन्तर निगरानी गर्न सक्षम बनाउनले ओप्पो कम्पनीले जनाएको छ । ८ घण्टाको निद्रामा यसले २८८०० पटक नन–स्टप अनुगमन गर्दछ । प्रयोगकर्ताको शरीरको अक्सिजनको मात्रा पूर्ण रूपमा मापन गर्दै यसको निरन्तर मोनिटर र व्यावसायिक निद्रा मनिटरको साथ, ओप्पो ब्यान्डले प्रयोगकर्ताहरूलाई स्वस्थ निद्रा बानीहरू विकास गर्न मद्दत गर्ने जनाइएको छ ।
ओप्पो ब्यान्डमा मुटुको गति मनिटर पनि छ । बिल्ट–इन अप्टिकल हार्ट रेट सेन्सरले प्रयोगकर्ताको हृदय गति चौबीसै घण्टा निगरानी राख्न सक्छ । यदि मुटुको धड्कन धेरै बढ्यो भने, स्मार्ट ब्यान्डले प्रयोगकर्तालाई अनियमित हृदयघातको चेतावनी दिन भाइब्रेट गर्नेछ । ओप्पो ब्यान्डले व्यायामको क्रममा मुटुको धड्कन मापन गर्दा, प्रयोगकर्ताहरूले ओभर–ट्रेनिङबाट बच्न सक्छन् र उनीहरूले आफ्नो लक्ष्यमा अघि बढिरहेका छन् भनी सुनिश्चित गर्न उनीहरूले कस्तो गति कायम राख्न आवश्यक छ भनी सिक्न सक्ने ओप्पोका दाबी छ ।
१२ वर्क आउट मोड संग एक सक्रिय जीवन
निद्रा सम्बन्धी समस्याहरू बाहेक, युवा वयस्कहरू सबैभन्दा बढी चिन्तित हुने अर्को स्वास्थ्य समस्या भनेको व्यायाम हो । ओप्पो ब्यान्डले वर्क आउटलाई सजिलो बनाउने दाबी गरिएको छ । यसमा दौडने, हिँड्ने, साइकल चलाउने, पौडी खेल्ने, ब्याडमिन्टन, क्रिकेट, योग आदि लगायत १२ वटा अन्तर्निहित वर्क आउट मोडहरू रहेका छन् । जसले युवाहरू माझ लोकप्रिय भएका अधिकांश खेलहरूलाई समेटने जाइएको छ । ओप्पो ब्यान्डले व्यायाम डेटा रेकर्ड गर्दै, प्रयोगकर्ताहरूले हेइट्याप हेल्थ एपमा आफ्नो प्रोगे्रस जाँच गर्न सक्ने सुविधा रहेको कम्पनीले जनाएको छ । कान्डले सक्रिय जीवन जीउन प्रेरणा प्रदान गर्ने कम्पनीको दाबी छ ।
दीर्घकालीन सुविधा
ओप्पो ब्यान्डले प्रयोगकर्ताको स्मार्टफोन विस्तारको रूपमा पनि काम गर्न जनाएको छ । प्रयोगकर्ताहरूले सन्देश र कल सूचनाहरू प्राप्त गर्न सक्ने, संगीत प्लेब्याक नियन्त्रण गर्न सक्ने र ब्यान्ड मार्फत आफ्नो मोबाइल फोनहरू फेला पार्न सक्ने सविधा रहेको कम्पनीले जनाएको छ । ब्याट्रीको लागि ओप्पो ब्यान्डले उच्च क्षमता र कम पावर प्रोसेसरयुक्त १०० एमएएच् ब्याट्री उपलब्ध गराइएको छ । यो केवल १.५ घण्टामा पूर्ण रूपमा चार्ज गर्न सकिन्छ । यसको आकर्षक डिजाइन र विभिन्न फिटनेस क्षमताहरूको साथ, ओप्पो ब्यान्डले तपाईंको स्वास्थ्य र जीवनशैलीलाई सक्रिय बनाउनेमा विश्वस्त कम्पनीले गरेको छ ।
