काठमाडौं। साताको पहिलो कारोबार दिन आइतबार सेयर कारोबार मापक नेप्से परिसूचक करिब २४ अङ्कले ओरालो लागेको छ। नेपाल स्टक एक्सचेञ्जका अनुसार नेप्से परिसूचक २३ दशमलब ८३ अङ्कले ओरालो लागेर एक हजार ७ सय १५ दशमलब १३ मा झरेको छ।
ठूला कम्पनीको कारोबार मापन गर्ने सेन्सेटिभ परिसूचक तीन दशमलब ८३ अङ्कले ओरालो लागेर ३ सय ५५ दशमलब ६० मा सीमित भएको छ। कूल २ सय २८ कम्पनीको ४० लाख १४ हजार ४ सय १९ कित्ता सेयर एक अर्ब ७ करोड २४ लाख ८० हजार ९७ मूल्यमा खरिद बिक्री भएको छ।
यस्तै, कारोबार भएका १३ वटै उपसमूहको सेयर मूल्यमा पनि गिरावट आएको छ। आइतबारको कारोबारपछि बजार पुँजीकरण २६ खर्ब ८ अर्ब ३ करोड ४६ लाख ९६ हजार ८ सय ६६ बराबर रहेको छ।
