एजेन्सी । दक्षिण कोरियामा अहिले पनि दैनिक ३४ हजार जनाभन्दा बढी कोरोना भाइरसका सङ्क्रमित रहेका पाइएको छ । कोरियाका स्वास्थ्य अधिकारीहरुले दिएको जानकारीअनुसार बुधबार मात्र यसअघिको २४ घन्टायता ३४ हजार ७ सय ३९ जनामा कोरोनाको सङ्क्रमण भएको पाइएको छ।
यहाँ अघिल्लो दिनमात्र १६ हजार जनामा मात्र कोरोनाका सङ्क्रमित पाइएकामा बुधबार ३४ हजारभन्दा बढी देखिएको हो। यहाँ अघिल्लो हप्ता दैनिक करिब २४ हजार जनामा सङ्क्रमण भएको बताइएकामा बुधबार यसमा बृद्धि भएको हो।
पछिल्लो दिन यहाँ कम्तीमा पनि १६ जनाको ज्यान गएको छ। यहाँ अहिलेसम्म कोरोनाबाट २८ हजार जनाभन्दा बढीको कोरोनाले निधन भएको छ। त्यसैगरी यहाँ यो महामारीको सुरुआतदेखि अहिलेसम्म नै २ करोडभन्दा बढीमा यो सङ्क्रमण भएको बताइएको छ।
