काठमाडौं । उच्च अदालत पाटनले तनहुँ- १ को उपनिर्वाचनमा राप्रपाकी उम्मेदवार शोभा गुरुङ चेक अनादरको मुद्दामा दोषी ठहर गरेको छ । उच्च अदालत पाटनले आइतबार गुरुङलाई खातामा पर्याप्त रकम नभई चेक काटेको मुद्दामा दोषी ठहर गर्दै ३ दिन कैद सजाय सुनाएको हो ।
न्यायाधीशहरू ऋषिराम दवाडी र राजेन्द्र खरेलको इजलासले उनलाई दोषी ठहर गर्दै १० लाख क्षतिपुर्ती भर्न आदेश गरेको छ । ४० हजार रुपैयाँ क्षतिपूर्ति कोषमा तिराउने समेत आदेश गरिएको छ । यो फैसला विरुद्ध गुरुङले सर्वोच्च अदालतमा पुनरावेदन दिन पाउँछिन् ।
कुनै मुद्दा अन्तिम अदालतबाट फैसला नभएसम्म व्यक्ति दोषी ठहर भएकै आधारमा उम्मेदवारीबाट वञ्चित नहुने व्यवस्था रहेको छ ।