काठमाडौँ । प्रभु लाइफ इन्स्योरेन्स लिमिटेडले इटहरीमा ‘सक्सेस मन्त्र फर लाइफ इन्स्योरेन्स सेल्स’ कार्यक्रम भव्यताका साथ सम्पन्न भरेको छ । शनिवार सम्पन्न कार्यक्रममा कम्पनीका प्रदेश १ ‘ए’ र ‘बी’ अन्तर्गतका एजेन्सी लिडर्सहरुको उल्लेख्य मात्रामा सहभागीता रहेको थियो । ‘सक्सेस मन्त्र फर लाइफ इन्स्योरेन्स सेल्स’को उद्घाटन कम्पनीका प्रमुख कार्यकारी अधिकृत श्री सन्तोष प्रसाईँज्यूले गर्नुभएको हो ।
कार्यक्रमलाई सम्बोधन गर्दै प्रमुख कार्यकारी अधिकृत श्री सन्तोष प्रसाईँज्यूले यस किसिमका सेल्स मोटिभेसन सेसनले कम्पनीमा आबद्ध बिमा मध्यस्थकर्ताहरूको कार्यक्षमता बृद्धि एवं व्यवसायकी सफलतामा सहयोग पुग्ने विश्वास व्यक्त गर्नुभयो । प्रमुख कार्यकारी अधिकृत श्री सन्तोष प्रसाईँज्यूले थप्नुभयो, हामीले आफ्नो कामलाई महत्त्वका साथ निरन्तरता दिन सकियो भने सफलताले तपाई हामीलाई खोज्दै आउने छ । त्यसैले आफ्नो कामलाई माया गरौ र निरन्तरता दिऔँ, उहाँले भन्नुभयो ।
प्रभु लाइफका नायव महाप्रबन्धक सोन बहादुर मगरज्यूले सम्बोधन गर्दै जीवन बिमाको औचित्य र जीवन बिमा मध्यस्थकर्ताका काम, कर्तव्यका बारेमा प्रस्ट पार्नुभयो । कम्पनीका सहायक महाप्रबन्धक टीकादत्त प्याकुरेलज्यूले कार्यक्रममा स्वागत मन्तव्य व्यक्त गर्नुभयो । कार्यक्रममा प्रदेश १ ‘ए’ र ‘बी’ अन्तर्गतका पाँच पाँच जना उत्कृष्ट बिमा अभिकर्ताहरुलाई सम्मान गरिएको थियो ।
कार्यक्रममा प्रभु लाइफका प्रमुख कार्यकारी अधिकृत श्री सन्तोष प्रसाई, नायव महाप्रबन्धक सोन बहादुर मगर, सहायक महाप्रबन्धक टीकादत्त प्याकुरेल, प्रदेश १ ‘ए’ प्रमुख पुष्कर भट्टराई, प्रदेश १ ‘बी’ प्रमुख जगत नाथ फुयाल, ब्राण्डिङ प्रमुख विनोद घिमिरे लगायतको उपस्थिती रहेको थियो ।
अन्तर्राष्ट्रिय नेपाली मोटिभेसनल ट्रेनर श्री बी।पी। रेग्मीज्यूको लाइफ इन्स्योरेन्स सेल्स सेसन कार्यक्रमको मुख्य आकर्षणको रुपमा रहेको थियो । ट्रेनर रेग्मीज्यूले व्यवहारीक तरिकाले व्यवसायकी बृद्धिका सुत्रहरु दिनुभएको थियो । बिमा मध्यस्थकर्ताहरूको व्यवसायकी जीवनका आयामहरू र आगामी सहज एवं सफल यात्राका विषयहरू इन्स्योरेन्स सेल्स सेसनमा समेटिएको थियो ।
