काठमाडौँ । एभरेस्ट बैङ्क लिमिटेडले लुम्बिनी प्रदेश,रुपन्देही जिल्ला, सिद्धार्थनगर नगरपालिका नारायणपथ, वडा नं. ७ सोही जिल्लाको सिद्धार्थनगर नगरपालिका वडा नं.१२ मा सम्पूर्ण बैंकिङ्ग सेवा तथा कारोबारहरू सञ्चालन गरेको छ ।
उक्त नवनिर्मित शाखाको उद्घाटन सिद्धार्थनगर नगरपालिकाका मेयर श्री इश्तियाक अहमद खाँ र बैङ्कका प्रमुख कार्यकारी अधिकृत श्री सुदेश खालिङले संयुक्त रूपमा गरेका छन् । उक्त भवनको उद्घाटन समारोहमा सिद्धार्थनगर चेम्बर अफ कमर्सका अध्यक्ष श्री ठाकुर कुमार श्रेष्ठ, नेपाल राष्ट्र बैङ्क भैरहवाको नायब निर्देशक श्री जीवन प्रकाश पाण्डे, जि।प्र।का रुपन्देहीका प्रहरी निरीक्षक श्री सुरेश पन्त, बैङ्कका लुम्बिनी प्रदेशका प्रादेशिक–प्रबन्धक श्री लव प्रसाद कुईकेल साथै बैङ्कका बजार तथा संस्थागत निक्षेप विभाग प्रमुख श्री पुष्पराज उप्रेती लगायत अन्य विशिष्ट व्यक्तिहरूको उपस्थिति रहेको थियो ।
सो कार्यक्रममा सिद्धार्थनगर नगरपालिकाका मेयर श्री इश्तियाक अहमद खाँले एभरेस्ट बैङ्क सो क्षेत्रको एक अग्रणी बैङ्क भएको र भैरहवा र सो आसपासको क्षेत्रको विकासमा बैङ्कले उल्लेख्य भूमिका खेलेको धारणा व्यक्त गर्नुभयो भने बैङ्कका प्रमुख कार्यकारी अधिकृत श्री सुदेश खालिङले आफ्नै नवनिर्मित भवनबाट ग्राहकहरूले सम्पूर्ण आधुनिक बैंकिङ्ग सेवा तथा सुविधा उपभोग गर्न सक्ने बताउनु भयो । साथै सो समारोहमा बैङ्कले विगत २५ वर्ष देखी निरन्तर रूपमा बैङ्क सँग आबद्द ग्राहक श्री नारायण बराईलाई सम्मान समेत गरेको थियो ।
पन्जाब नेशनल बैङ्क भारत सँग संयुक्त साझेदार रहेको यस बैङ्क स्थापना काल देखि नै ग्राहकहरूको पहिलो रोजाइको यस बैङ्कमा हालसम्म करिब १३ लाख सन्तुष्ट ग्राहकहरू रहेका छन् तथा देशै भरी छरिएर रहेको आफ्नो १२४ शाखा सञ्जाल, ४ एक्सटेन्सन काउन्टर, प्रादेशिक कार्यालयहरू, १६० सहित विश्वव्यापी नेटवर्कबाट अत्याधुनिक मोबाइल र इन्टरनेट र बैकिंग सुविधा प्रदान गर्दै आइरहेको छ । यस बैङ्कले नेपाल सरकारको राजस्व सङ्कलनको लागि ३२ वटा सङ्कलन केन्द्रबाट समेत सेवा दिँदै आइरहेको छ ।
