गाेदावारी राजधानी सिफारिसपछि चर्कियाे अान्दाेलन



धनगढी : प्रदेश ७ को राजधानी र नामका विषयमा छलफल गर्न प्रदेशसभा बैठक बुधबार दिउँसाे १ बजे शुरू भएकाे छ। प्रदेशकाे नामांकन तथा स्थायी राजधानी निर्धारण गर्न गठित विशेष सुझाव समितिले मंगलबार सुझावसहितको प्रतिवेदन संसदमा प्रस्तुत गरेपछि छलफल शुरू भएकाे हाे।

 

समितिले प्रदेश राजधानी गोदावरी नगरपालिकाको तेघरीमा राख्न सुझाव दिएको छ। विशेष समितिले प्रदेशको नाम सुदूरपश्चिम राख्न प्रस्ताव गरेको छ।

 

प्रदेश सभाको मंगलबारको बैठकमा विशेष सुझाव समितिका संयोजक तारा लामा तामाङले प्रस्तुत गरेको प्रतिवेदनमा प्रदेशको नाम सुदूरपश्चिम र राजधानी तेघरी राख्न सुझाव दिइएको छ। प्रतिवेदनमा प्रदेशको स्थायी राजधानी राख्नेबारे भनिएको छ 'कैलाली जिल्लाको गोदावरी नगरपालिका ४ अन्तर्गत तेघरीस्थित नेपाली सेनाको ब्यारेक रहेको स्थानदेखि उत्तरपश्चिम, गोदावरी (धनगढी-डडेल्धुरा सडक) सडक पश्चिम, गोदावरी खोलादेखि पूर्व र गोदावरी बजारदेखि दक्षिणमा चारकिल्ला निर्धारण गरी' राजधानी राख्न सुझाव दिइएको छ।

 

'हाल ससाना बुट्यान मात्र भएको उक्त स्थान स्थायी राजधानीका लागि पर्याप्त सार्वजनिक जग्गा रहेको क्षेत्र हो' प्रतिवेदनमा भनिएको छ। 

 

प्रदेश ७ स‌ंसद सचिवालयका अनुसार छलफलमा सांसदले सो प्रतिवेदनमा चित्त नबुझे संशोधन प्रस्ताव पेस गर्न सक्नेछन्। सचिवालयका कानून अधिकृत तेजप्रकाश जोशीका अनुसार प्रतिवेदनमाथि संशोधन प्रस्ताव दर्ता भएमा पूर्ण बैठकमा छलफलपछि निर्णयार्थ पेस हुनेछ।

 

प्रदेशसभाकाे बैठक चलिरहेका बेला नेपाली कांग्रेस निकट केही युवाले प्रदेशसभा भवन अगाडि प्रदर्शन शुरू गरेका छन्। उनीहरूले प्रदेशकाे राजधानी धनगढी हुनु पर्ने माग राखेका छन्। सभाले राजधानी गाेदावरीकाे तेघरीमा गरिएकाे प्रस्तावविरूद्ध नाराबाजी भएरहेको छ।

 

साे प्रस्ताव फिर्ता लिर्इ प्रदेशकाे राजधानी धनगढी ताेक्न प्रदर्शनकारीको माग गरिरहेका छन्। प्रदर्शनमा उत्रिएका युवाले भाेलि धनगढी बजार बन्द घाेषणा गरेका छन्।

 

प्रदर्शनबारे जानकारी पाएकाे सरकारले प्रदेश सभा भवनभित्र र बाहिर कडा सुरक्षा व्यवस्था गरेकाे छ। प्रदेशसभा भवनबाहिर नेपाल प्रहरी र सशस्त्र प्रहरीकाे टाेली तैनाथ छ। यसअघि प्रदेशसभा बैठकका बेला सर्वसाधारणालार्इ सभा भवनकाे प्रांगणमा प्रवेश दिइन्थ्याे। तर, अाजकाे बैठकमा प्रदेशसभा भवनभित्र सर्वासाधरण प्रवेश गर्न दिइएकाे छैन।

प्रतिक्रिया दिनुहोस्
मुख्य समाचार

नयाँ दिल्ली : भारतमा असोज २९ गतेदेखि विद्यालय र कलेज खुल्ने भएका छन् । भारतमा

पर्सा : प्रहरीको अपराध नियन्त्रण टोलिले असइ पदको लागि नक्कली परिक्षा लिई रहेको अवस्था २७

काठमाडौं : खाडीका ४ देशबाट भोलि (बिहिबार) अर्थात अक्टोबर १ देखि नियमित उडान शुरु हुने

काठमाडौंः प्रमुख प्रतिपक्षी दल नेपाली कांग्रेसले सरकारविरुद्ध देशव्यापी आन्दोलन गर्ने भएको छ । बूढानीलकण्ठमा आज

काठमाडौं : सरकारले बझाङकी सम्झना कामीमाथि भएको बलात्कार तथा हत्याका आरोपितलाई कानुनको कठघरामा ल्याउन कडा

काठमाडौं : पूर्वप्रधानमन्त्री एवं जनता समाजवादी पार्टीका नेता डा. बाबुराम भट्टराई बुधबार खुलामञ्चमा खाना बाँड्न

चितवन : जिल्ला प्रहरी कार्यालय चितवनले कुटपिटपछि मृत्यु भएको घटनाका आरोपी नेपाली सेनाका एक जनालाई

चितवन : चितवनको माडी नगरपालिकाले अयोध्याधाम निर्माणका लागि जग्गा छुट्याएको छ । मंगलबार बसेको कार्यपालिका

सप्तरी : बीपी कोइराला स्वास्थ्य विज्ञान प्रतिष्ठान धरानमा थप एक जना कोरोना संक्रमित व्यक्तिको मृत्यु

काठमाडौं : जल तथा मौसम विज्ञान विभागको मौसन पूर्वानुमान महाशाखाले आज (बुधबार) आंशिक बदली रही

काठमाडौं : नेपाल कम्युनिष्ट पार्टी (नेकपा)का अध्यक्षद्वय केपी शर्मा ओली र पुष्पकमल दाहालबीच मन्त्रिपरिषद् पुनर्गठनबारे

काठमाडौं : पछिल्लो २४ घण्टामा काठमाडौं उपत्यकामा ९४३ सहित देशभर १५१३ जनामा कोरोना संक्रमण पुष्टि