मड्रिड : स्पेनका एउटा अदालतले यौन दुर्व्यवहार गर्ने पाँचजनालाई नौ वर्ष जेल सजायको फैसला सुनाएकाे छ । एकजना महिलालाई सामूहिक यौन दुर्व्यवहार गरेको ठहर गर्दै अदालतले उनीहरूलाई बुधबार जेल सजायको फैसला गरेको अधिकारीहरूले जनाएका छन् ।
उनीहरूमध्ये केहीले ती महिलालाई सामूहिकरूपमा बलात्कारसमेत गरेको पाइएको अदालतको ठहर छ । बलात्कारमा परेकी महिलाको उमेर १८ वर्ष रहेको र पाम्प्लोनामा रहेको एउटा आवासीय भवनको प्रवेशद्वारमा घटना भएको समाचार एजेन्सीले जनाएका छन् ।
एक हप्ता लामो ‘सान फेरमिन बुल रनिङ’ पर्वको बेला सन् २०१६ को जुलाई ७ मा बलात्कारको घटना भएको थियो ।
