एजेन्सी : बिग बोस सिजन-१३ सुरु हुन केही दिनमात्र बाँकी छ । हालै अभिनेता सलमान खानले मुम्बई मेट्रोमा शो लन्च गरे । उनले सिजन-१३ लाई लिएर धेरै खुलासा पनि गरे । उनका अनुसार सिजन-१३ मा सबैचिज रफ्तारमा हुनेछ । शो सुरु हुने दिन नजिकिँदै गर्दा सेलिब्रेटी सहभागीहरुको नाम बाहिरिँदै गएको छ । बिग बोस फ्यान क्लब र मिडिया रिर्पोटमा ७ सहभागीहरुको नाम निश्चित गरिएको छ ।
सबैकी प्यारी गोपी बहू अर्थात देवोलीना भट्टाचार्जी बिग बोस सिजन-१३ मा देखिँदै छिन् । उनको इन्ट्री निश्चित भइसकेको र उनको प्रोमो भिडियोसमेत रिलिज भइसकेको छ ।
नायक गोविन्दाकी भान्जी आरती सिंह पनि बिग बोस सिजन-१३ मा देखिने भएकी छिन् । उनको इन्ट्री पनि निश्चित भइसकेको भारतीय संचार माध्यमहरुले जनाएका छन् ।
टीभि शो नागिन-३ मा चुडेलको रोल गरेर चर्चामा आएकी माहिरा शर्मा पनि बिग बोस सिजन-१३ की प्रतिस्पर्धी बन्ने निश्चित भएको छ ।
फेसन फेम नायिक मुग्धा गोड्सेले पनि बिग बोस सिजन-१३ मा सहभागिता जनाउने निश्चित भएको बिग बोस फ्यान क्लब अकाउन्टमा जनाइएको छ ।
ओ साकी-साकी गीत फेम नायिका कोइना मित्रा लामो समयदेखि फिल्मबाट टाढा छिन् । उनी अहिले बिग बोस सिजन-१३ मा धमका मच्चाउने तयारीमा छिन् ।
टिभि शो की चर्चित नायिका रश्मि देसाई पनि बिग बोस सिजन-१३ मा देखिने भएकी छिन् । उनलाई यस सिजनको बलियो प्रतिस्पर्धीका रुपमा हेरिएको छ ।
नायक सिद्धार्थ शुक्ला पनि यस सिजनको हिस्सेदार बन्ने भएका छन् । उनको एक प्रोमो भिडियो आइसकेको छ । सिद्धार्थ र गोविन्दाकी भान्जी आरती सिंहले यतिबेला डेट गरिरहेको खबर आइरहेको छ । बिग बोसमा आइसकेपछि यी दुबैको रोमान्स दर्शकहरुले पनि हेर्न पाउने छन् ।
