काठमाडौं : निश्चल बस्नेत र स्वस्तिमा खड्काको शीर्ष भूमिका रहेको चलचित्र ‘घामड शेरे’ को ‘साली मन पर्यो’ बोलको गीत सार्वजनिक भएको छ ।
कालीप्रसाद बास्कोटा र अस्मिता अधिकारीको स्वर रहेको यस गीतलाइ मंगलबार युट्युबमार्फत सार्वजनिक गरिएको हो ।
यस गीतमा भेनालाइ साली मन परेको विषयमा गीतका शब्दमा उनिएको छ । गीतमा शब्द र संगीत पनि कालीप्रसाद बास्कोटाले नै दिएका हुन् ।
यस्तै गीतलाई रिकेश गुरुङले एरेन्ज गरेका हुन् । यस फिल्ममा निश्चल र स्वस्तिमासँगै सुष्मा निरौला, बाद भट्ट, लोकेन्द्र लेखक, रोय, सरोज अर्याल लगायतका कलाकारले अभिनय गरेका छन् ।
फिल्मलाई सुरेन्द्र पौडेलले सम्पादन गरेका हुन् भने नरेन्द्र मैनालीले छायांकन गरेका हुन् । यस्तै फिल्ममा कथा, पटकथा, लगानी र निर्देशन हेमराज बिसीको रहेको छ ।