तुलसीपुर : तुलसीपुर उपमहानगरपालिका कृषि शाखाले यसवर्ष ३० क्वीन्टल तो रीको बीउ वितरण गरे को छ ।
तुलसीपुर उपमहानगरपालिका–१९ वटा वडाका किसानलाई अनुदानमा उन्नत जातको तोरीको बीउ वितरण गरेको कृषि शाखाका प्रमुख तिलकबहादुर केसीले जानकारी दिए ।
कृषि शाखाले शान्तिनगर–३ साउनेपानीस्थित दीप कृषि सहकारी संस्था र साउने पानी सहकारीबाट उन्नत जातको तोरीको बीउ खरीद गरी कृषकलाई वितरण गरेको हो ।
रु ११० प्रतिकेजी तोरी खरिद गरी किसानलाई मागअनुसार रु ५५ केजी वितरण गरेको केसीले जानकारी दिए ।
त्यस्तै शाखाले बीज वृद्धि कार्यक्रमअन्तर्गत तुलसीपुर–१२ स्थित पशुपति आत्मनिर्भर बीउबिजन सहकारी संस्थालाई ५० किलो निःशुल्क तोरीको बीउ वितरण गरेको बताएको छ ।
पाँच हेक्टर जमीनमा उन्नत जातको तोरीखेती गरी आगामी वर्षमा सोही बीउ किसानलाई वितरण गरिने कृषि शाखाले जनाएको छ ।
तुलसीपुर उपमहानगरपालिका क्षेत्रभित्र ४२ हेक्टर जमीनमा तोरी खेती हुँदै आएको छ ।
