काठमाडौं : ट्राफिक नियम पालना नगर्ने प्रहरीकै गाडीलाई ट्राफिक प्रहरीले ‘ह्विल लक’ लगाईदिएको छ । अनामनगरमा सडक अवरुद्ध हुने गरि पार्किङ गरिएको प्रहरीको साईरन जडित गाडीमा ट्राफिकले ह्विल लक गर्दै कारवाही गरेको हो ।
महानगरीय ट्राफिक प्रहरी रामसाहपथको टोलीले अनामनगरको सडकमा रोकिराखेको प्रहरीको ना १ झ १४२५ नम्बरको गाडीमा ह्विल लक लगाई कारबाही गरेको महमशाखाले जनाएको छ ।
महाशाखा प्रमुख भीम ढकालले नियम मिच्ने कसैलाई पनि नछोड्ने बताउँदै उक्त गाडीलाई पनि नियमअनुसार चिट काटेर कारबाही गरिएको बताएका छन् ।
पछिल्लो समय ट्राफिक प्रहरीले नियमविपरित सडकमा पार्किङ गर्ने सवारीसाधनमा ह्विल लक लगाइदिने गरेको छ ।
