बुटवल : गएराति भैरहवामा प्रहरी र अज्ञात समुहबीच भएको गोली हानाहानमा मृत्यु भएका व्यक्ति सनाखत भएको छ । मृत्यु हुने रुपन्देही सिद्धार्थनगर नगरपालिका–६ का अन्दाजी वर्ष ४० का केदार सहानी भएको रुपन्देही प्रहरीले जनाएको छ ।
तस्करी बढेको पाइएपछि रुपन्देहीका विभिन्न स्थानमा प्रहरीले रातको समयमा गस्ती गर्ने क्रममा प्रहरीको जवाफी कार्बाहीमा सहानीको मृत्यु भएको प्रहरीको भनाई छ ।
मारिएका साहानी विगतमा तत्कालीन नेकपा माओवादीसँग आवद्ध थिए। त्यसपश्चात उनी जनतान्त्रिक तराई मुक्ति मोर्चा आजाद समूह (भूमिगत समूह) प्रवेश गरी चन्दा आतंकमा सक्रिय थिए।
