अछाम : बान्निगढी जयगढ गाउँपालिका-६ पानिखाल भन्ने स्थानबाट जंगली जनावर घोरल मारेको अभियोगमा ६ जनालाई प्रहरीले पक्राउ गरेको छ ।
पक्राउ पर्नेमा बान्निगढी जयगढ गाउँपालिका-६ बस्ने ३० वर्षीय भिम बहादुर साउद, २४ वर्षीय दल साउद, ३० वर्षीय जयन्द्र शाह र २० वर्षीय मंगल चन्द लगायत रहेका छन् ।
प्रहरी चौकी जयगढबाट खटिएको प्रहरीले उनीहरुलाई उक्त घोरल मारी घरतर्फ लैजाँदै गरेको अवस्थामा फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको जनाइएको छ ।
