एजेन्सी : ६ महिनाभन्दा बढी समयदेखि फैलिएको कोरोना भाइरसको संक्रमणले रूसमा ७ लाख ७१ हजारभन्दा बढी मानिस संक्रमित भएका छन् ।
सोमबार बिहान यो समाचार तयार पार्दासम्म पछिल्लो २४ घण्टामा ९५ जनाको मृत्यु भएपछि ज्यान गुमाउनेको संख्या १२ हजार ३४२ पुगेको हो ।
एकै दिन ६ हजार १०९ जनामा संक्रमण देखिएपछि संक्रमित हुनेको संख्या ७ लाख ७१ हजार ५४६ पुगेको छ ।
२ लाख ८ हजार ८६० जनाको उपचार भइरहेको छ भने ५ लाख ५० हजार ३४४ जना संक्रमणमुक्त भएको वर्ल्डोमिटर्सले जनाएको छ।
