वाशिंगटन– पछिल्लो समय दुई ठूला राष्ट्र अमेरीका र चीनबीच तनाव बढ्दो छ । डोनाल्ड ट्रम्पको सरकारले चीनलाई आफ्नो ह्यूस्टन स्थित महावाणिज्य दूतावास बन्द गर्न आदेश दिएको छ। बुधबार उक्त निर्णय गर्दै अमेरिकी सरकारले ७२ घण्टाको अल्टिमेटम दिएको हो ।
अमेरिकाको यो आदेश पछि दूतावास भित्र धुवाँ देखा परेको छ । र चिनियाँ कर्मचारीहरूले गोप्य कागजात जलाइरहेका आशंका गरिएको छ । अर्कोतर्फ अमेरिकाले गरेको यो कदम प्रति चीन रुष्ट छ । चीनले पनि आवश्यक प्रतिबादको धम्की दिएको छ।
न्यूयोर्क टाइम्सको एक रिपोर्टका अनुसार ह्युस्टनका प्रहरीलाई कूटनीतिक अधिकारका कारण भित्र प्रवेशको अनुमति छैन । स्थानीयहरूले दूतावासबाट धुवाँ उठेको देखेपछि प्रहरीलाई खवर गरेका थिए तर चिनियाँ अधिकारीहरूले उनीहरूलाई भित्र प्रवेशमा रोक लगाए ।
जारी शीतयुद्ध पछि यो पहिलो पटक हो जहाँ अमेरिकाले कुनै पनि देशको दूतावास बन्द गर्ने आदेश जारी गरेको छ। भनिन्छ कि अमेरिकाले चीनसँगको निरन्तर तनावलाई ध्यानमा राख्दै ह्युस्टनका महावाणिज्यदूतलाई बन्द गर्ने आदेश दिएको हो ।
गोप्य फाइलहरू जलाउदै
यस्तो छोटो समयमा, वाणिज्य दूतावास खाली गर्ने आदेशले चीनको विदेश मन्त्रालयमा हलचल मचायो । अमेरिकी आदेश पछि चिनियाँ दूतावासमा अराजकताको वातावरण थियो। यो मात्र होइन, चिनियाँ कामदारहरूले ठूलो संख्यामा गोप्य कागजातहरू जलाइरहेको देखिएको छ। कर्मचारीहरूको जलाउने कागजातको धेरै भिडियोहरू सोशल मिडियामा भाइरल भइरहेको छ।
अर्कोतर्फ, चीनको परराष्ट्र मन्त्रालयले अमेरिकाको यो कदमको कडा शब्दमा निन्दा गरेको छ । अमेरिकाले यो गलत आदेश फिर्ता लिएन भने उचित र आवश्यक बदला लिने बताएको छ ।
आगोलागिको आशंकामा ह्यूस्टन फायर डिपार्टमेन्टका गाडीहरू घटनास्थलमा पुगेता पनि दूतावास भित्र पसेनन्। अमेरिकाको यो कदमले चीनसँगको सम्बन्ध अझ तनावपूर्ण हुने सम्भावना बढेको छ।
