धरान : कोरोना संक्रमणबाट धरानमा एक जना पुरुषको मृत्यु भएको छ । योसँगै धरानमा कोरोनाबाट मृत्यु हुनेको संख्या २ पुगेको छ ।
शनिबार बिहान ११ बजेर ३० मिनेटमा धरान उपहानगरपालिका–१५ का ६७ वर्षीय पुरुषको उपचारका क्रममा मृत्यु भएको हो ।
गत साउन २७ गते बीपी कोइराला स्वास्थ्य विज्ञान प्रतिष्ठानको कोभिड–१९ अस्पतालमा भर्ना भएका उनमा उच्च ज्वरो, खोकी र श्वासप्रश्वासको समस्या देखिएको प्रतिष्ठानका प्रवक्ता डाक्टर निदेश सापकोटाले जानकारी दिए ।
यसअघि धरान–१५ कै एक वृद्धाको कोरोना संक्रमणबाटै मृत्यु भएको थियो ।
प्रकाशित : भदौ ६, २०७७
