काठमाडौं : नायिका पूजा शर्माको अभिनय रहेको म्युजिक भिडियो सार्वजनिक गरिएको छ ।
पूजासँगै राज कटुवालको समेत अभिनय रहेको ‘लिन आउँछु भन्थ्यौ’ बोलको म्युजिक भिडियो बिहीवार युट्युबमार्फत सार्वजनिक गरिएको हो ।
डान्सिङ नम्बरमा तयार पारिएको यस गीतको भिडियोमा पूजाले पनि खुलेरै नृत्य गरेकी छिन् ।
गीतमा उर्मिला लाम्गाडेको स्वर सुन्न सकिन्छ भने दिग्गज धौरालीले शब्द कोरेका छन् । यस्तै गीतमा संगीत भर्ने काम अर्जुन पोखरेलले गरेका छन् ।
भिडियोमा कविराज गहतराजको निर्देशन देख्न सकिन्छ भने सौरभ लामाको छायांकन र अर्जुन जिसीको सम्पादन रहेको छ ।
