मकवानपुर : मकवानपुरको भीमफेदीमा जिप दुर्घटना हुँदा दुई जनाको मृत्यु भएको छ ।
हेटौंडाबाट काठमाडौं जाँदै गरेको ना १ ज ४१०६ नम्बरको जिप भीमफेदी गाउँपालिका–६ स्थित उकालोमा दुर्घटना हुँदा अन्य ६ जना घाइते भएका छन् ।
घटनास्थलमै मृत्यु भएका दुवै जनाको पहिचान हुन सकेको छैन । प्रहरीका अनुसार मृतक दुवै जना पुरुष हुन् ।
जिप सडकबाट करिब एक सय मिटर तल खसेको प्रहरी नायब उपरीक्षक इन्द्रबहादुर रानाले जानकारी दिए ।
घाइते सबैको प्राथमिक स्वास्थ्य चौकी भीमफेदीमा उपचार भइरहेको प्रहरीले जनाएको छ ।
प्रकाशित : असोज १८, २०७७
