प्रदेश २ मा जसपा र काँग्रेसका सांसदद्धारा दशैं भत्ता फिर्ता, नेकपाका सांसदहरु मौन



जनकपुरधाम : कोरोना महामारीका बेला सांसदहरुले दशैं भत्ता लिएको भन्दै आलोचना र विरोध सुरु हुन थालेपछि उनीहरुले धमाधम भत्ता फिर्ता गर्न थालेका छन् ।

नेपाली कांग्रेस, जनता समाजवादी पार्टी र नेपाल कम्यूनिष्ट पार्टी (नेकपा) का जनप्रतिनिधिहरुले दशैं भत्तावापतको रकम कोरोना राहत कोषमा जम्मा गर्न थालेका छन् । सोही अनुरुप प्रदेश २ को सत्तारुढ दल जनता समाजवादी पार्टी र नेपाली काँग्रेसका सांसदहरुले समेत दशैं भत्तावापतको रकम कोरोना राहत कोषमा जम्मा गर्ने निर्णय गरेका छन् ।

जनता समाजवादी पार्टीको काठमाण्डौमा बसेको कार्यकारिणी समितिको बैठकले पार्टीका सबै तहका सांसदहरुले दशैं भत्तावापतको रकम कोरोना राहत कोषमा जम्मा गर्ने निर्णय गरेपछि प्रदेशमा समेत उक्त निर्णय लागु भएको छ । जनता समाजवादी पार्टीका ५५ जना प्रदेशसभा सदस्यहरुले दशैं भत्तावापतको रकम कोरोना राहत कोषमा जम्मा गर्ने भएका छन् ।

यता, नेपाली कांग्रेस प्रदेश २ का संसदीय दलका नेता रामसरोज यादवले पनि दशैं भत्तावापतको रकम कोरोना कोषमा जम्मा गर्न पार्टीको निर्देशन आएको बताए । उनले भने,‘दशैं भत्तावापत आएको रकम कोरोना राहत कोषमा जम्मा गर्न पार्टीबाट निर्देशन आइसकेको छ । कांग्रेसका १९ जना प्रदेश सांसदहरुले यो रकम कोषमा जम्मा गर्नेछन् ।’

प्रदेशसभा सचिवालयका अनुसार सांसद र उनका स्वकीय सचिवलाई दशैं भत्तावापत असोज ३० गते नै ५७ लाख २ सय ९२ रुपैयाँ पठाइएको छ । सभामुखले ६८ हजार ४ सय ४०, उपसभामुख, विपक्षी दलका नेता र सत्ता पक्षका प्रमुख सचेतकले ६७ हजार २४ तथा सांसदहरुले ६१ हजार २० रुपैयाँ पाएका छन् ।

प्रदेश २ का सभामुख सरोज कुमार यादवले भने हिजो नै आफुले दशैं भत्तावापत पाएको ६८ हजार ४ सय ४० रुपैयाँ कोरोना राहत कोषमा जम्मा गर्ने घोषणा गरिसकेका छन् । यता, नेकपाका संघीय सांसदहरुले दशैं भत्तावापतको रकम कोरोना राहत कोषमा जम्मा गर्ने निर्णय गरेपनि प्रदेश २ को हकमा भने सांसदहरु अलमलमा परेका छन् ।

प्रदेश २ का नेकपाका संसदीय दलका नेता सत्यनारायण मण्डलले दशैं भत्ता फिर्ता गर्नेबारे केन्द्रबाट आफूहरुलाई कुनै निर्देशन नआएको जानकारी दिए । नेता मण्डलले पार्टीका कतिपय प्रदेश सांसदहरु भत्ता फिर्ता नगर्ने मनसायमा रहेको बताए । प्रदेश २ मा नेकपाका ३२ जना सांसद छन् ।

प्रतिक्रिया दिनुहोस्
मुख्य समाचार

काठमाडौं : पछिल्लो २४ घण्टामा काठमाडौं उपत्यकामा ३७९ महिला र ४४३ पुरुष गरी ८२२ जना

काठमाडौं– सभामुख अग्निप्रसाद सापकोटाले कानून बनाउने सन्दर्भमा दलहरुमा प्रशिक्षणको कमी भएको बताएका छन् । जनमुखी

दाङ : हिजो (बिहीबार)सम्म दाङमा २८ जनाको कोरोना संक्रमितको मृत्यु भएको छ । २१ हजार

काठमाडौं : भारतका विदेश सचिव हर्षवर्द्धन श्रृंगलाले नेपाल र भारत सँगै काम गर्न आवश्यक रहेको

गुल्मी : इस्मा गाउँपालिकामा आज बिहान जीप दुर्घटनामा परी छ जनाको मृत्यु भएको छ ।सदरमुकाम

जल तथा मौसम विज्ञान विभाग, मौसम पूर्वानुमान महाशाखाले आगामी तीन दिनको मौसम पूर्वानुमान जारी गरेको

काठमाडौं : १६ दिने अभियानका क्रममा गल्र्स किक र ग्लोबल एक्सन नेपालको आयोजनामा साइकल र्‍याली

काठमाडौं : यो संसारमा हरेक मानिस केही न केही सिप र कला लिएर जन्मेका हुन्छन्

काठमाडौं :सञ्चार तथा सूचना प्रविधिमन्त्री पार्वत गुरुङका सञ्चारविज्ञमा पत्रकार राजेन्द्र मानन्धर नियुक्त भएका छन् ।

दमौली : म्याग्दीबाट भैरहवा जाँदै गरेको लु २ ख ८८३ नम्बरको यात्रुवाहक बस आँबुखैरेनी मिलनचोकमा

काठमाडौं : ट्रान्सपरेन्सी इन्टरनेसनलले गरेको एक सर्वेक्षणमा एसियाका १७ देशमध्ये नेपालमा भ्रष्टाचार वृद्धिको अवस्था चिन्ताजनक

काठमाडौं : नेपाल विज्ञान तथा प्रविधि प्रज्ञा प्रतिष्ठान नास्टका पूर्व उपकुलपति एवं भौतिकशास्त्री केदारलाल श्रेष्ठको