काठमाडाैं : चलचित्र ‘रोज’ बाट चर्चामा आएकी नायिका मिरुना मगर पछिल्लो समय फिल्म वृत्तमा खासै चर्चामा छैनिन्। रोजबाट उनले अभिनय राम्रो गरेको भन्दै तारिफ पाइन्। सोही फिल्मको चर्चित गीत ‘फूल होइन’ ले उनलाई थप चर्चा दिलायो। फिल्ममा उनी अभिनेता प्रदीप खड्काकी प्रेमिकाका रुपमा देखिएकी थिइन्।
अभिनय राम्रो गरे पनि फिल्म नै नचलेपछि करिअरलाई पूराका पूरा फाइदा हुने त कुरै भएन। उनी अभिनित फिल्म ‘साइनो’ रिलिजको क्रममा छ। यो फिल्ममा उनको कस्तो अभिनय रहनेछ, त्यसका लागि दर्शक प्रतीक्षारत छन्। पछिल्लो समय मिडियामा खासै देखा नपरेकी मिरुनालाई धेरैले भद्र नायिकाका रुपमा लिने गर्छन्।
सामाजिक सञ्जालमा उनले ग्ल्यामर तस्वीर त्यति शेयर गरेकी हुँदिनन्। जबकि, नायिकाहरु हट तस्वीरका कारण प्रायः चर्चामा आइरहेका हुन्छन्। साधारण रहरै आफ्नो परिचय बनाएकी मिरुना हङकङमा जन्मेकी हुन्। मिरुना दर्शकले आफूलाई अभिनयकै कारण चिनून् भन्ने चाहन्छिन्।
हेरौँ मिरुनाका केही तस्वीर :-
