images

महिनावारी नबार्दा पुरस्कार पाइने

द नेपालटप | प्रकाशित: २०७६-४-१२ गते
महिनावारी नबार्दा पुरस्कार पाइने

डोटी : जिल्लामा छाउपडी प्रथाले वर्षौँदेखि विकराल रूप लिन थालेपछि यहाँका स्थानीय तहहरूले आफ्नो क्षेत्रमा हुने छाउपडी प्रथा अन्त्य गर्नका लागि विभिन्न कार्यक्रम सञ्चालन गर्न थालेका छन्।

छाउपडी प्रथा अन्त्य गर्नका लागि यहाँका स्थानीय निकाय पछिल्लो समय निकै सक्रिय बनेका छन्। यसै सिलसिलामा जिल्लाको पूर्वीचौकी गाउँपालिकाले आफ्नो गाउँपालिकाभरिमा रहेका छाउ अर्थात् महीनावारी नबार्ने महिलालाई पुरस्कारस्वरुप पैसा दिने भएको छ।

उक्त गाउँपालिकाले छाउपडी नबारी घरभित्रै परिवारसँगै बस्ने महिलालाई ३ हजारदेखि ५ हजार पुरस्कार दिने नीति पारित गरेको गाउँपालिका अध्यक्ष दीर्घराज बोगटीले बताए। उनले भने, “हामी छाउपडी प्रथा अन्त्य गर्ने योजनामा छौँ, छाउपडी नबार्ने महिलालाई पुरस्कारस्वरुप पैसा दिनेछौँ।”

यति मात्र नभई सो गाउँपालिकाले अबदेखि छाउ अर्थात् महीनावारी बार्नेलाई गाउँपालिकाबाट प्रदान हुने मृत्यु दर्ता, जन्मदर्ता, सामाजिक सुरक्षाभत्ता, विवाह दर्तालगायतका सेवासुविधा पनि नदिने घोषणा गरेको छ।

छाउपडी प्रथाका कारण महिलाको ज्यान असुरक्षित हुने र कुसंस्कारले समेत निरन्तरता पाउने भएपछि आफूहरुले छाउपडी अन्त्यका लागि नयाँ योजना ल्याएको गाउँपालिकाका निमित्त प्रशासकीय अधिकृत टेकबहादुर खड्काले बताए।

उनले भने, “जिल्लाभरिमै बदनामी हुँदै आएको छाउपडी प्रथा हामी अन्त्य गरेरै छोड्छौँ।” छाउपडी प्रथा मानेकै कारण उक्त गाउँपालिकामा हालसम्म दर्जनौँ महिलाले अकालमै ज्यान गुमाइसकेका छन्। गाउँपालिकाले चालेको उक्त कदमको सो क्षेत्रका स्थानीयवासीले स्वागतयोग्य काम भन्दै स्वागत गर्न थालेका छन्।

छाउ अर्थात् महीनावारी भएकी महिला घरमा बसे देवीदेउता रिसाउने तथा घरमा अनिष्ट हुने भन्ने अन्धविश्वासका कारण डोटेली महिला छाउ बार्न बाध्य भएका छन्। जिल्लाका कतिपय ठाउँमा छाउपडी गोठहरु अझै कायमै रहेको सो क्षेत्रमा काम गर्ने सङ्घसंस्थाले बताएका छन्।

द नेपालटप

द नेपालटप

images
images
images
सम्बन्धित समाचार

कर्णाली प्रदेशका भौतिक मन्त्री खड्कबहादुर खत्री पदमुक्त

कर्णाली प्रदेशका भौतिक मन्त्री खड्कबहादुर खत्री पदमुक्त

काठमाडौं : कर्णाली प्रदेशका भौतिक पूर्वाधार विकासमन्त्री खड्कबहादुर खत्री पदमुक्त भएका छन् ।  बैंकिङ कसुर ग..

कर्णाली प्रदेशका मुख्यमन्त्री सहभागी कार्यक्रम नजिकै बम विस्फोट

कर्णाली प्रदेशका मुख्यमन्त्री सहभागी कार्यक्रम नजिकै बम विस्फोट

काठमाडौं : कालिकोटको पचालझरना गाउँपालिका नजिकै बम विस्फोटन भएको छ । कालिकोटको पचालझरना गाउँपालिकाको गाउँसभा..

तत्कालीन एलडीओसहित ११ जनाविरुद्ध भ्रष्टाचार मुद्दा

तत्कालीन एलडीओसहित ११ जनाविरुद्ध भ्रष्टाचार मुद्दा

काठमाडौं : अख्तियार दुरुपयोग अनुसन्धान आयोगले साविक जिल्ला विकास समितिको कार्यालय, सल्यानका तत्कालीन स्थानीय व..

अब जतिबेला पनि मदिरा सेवन गर्न नपाइने, नगरपालिकाले ताेक्याे समय

अब जतिबेला पनि मदिरा सेवन गर्न नपाइने, नगरपालिकाले ताेक्याे समय

जाजरकोट : जिल्लाको नलगाड नगरपालिकाले मदिरा सेवन गर्ने समय तोकेको छ । मदिरा सेवनबाट अशान्ति र अमर्यादित का..

जुम्लाका गर्भवती र सुत्केरीलाई निःशुल्क हवाईसेवा

जुम्लाका गर्भवती र सुत्केरीलाई निःशुल्क हवाईसेवा

खलङ्गा : जुम्लाका गर्भवती तथा सुत्केरी महिलालाई निःशुल्क हवाईसेवा दिइने भएको छ। जुम्लामा गर्भवती र सुत्केरीलाई..

विषालु च्याउ खाँदा एकै परिवारका ४ जना बिरामी

विषालु च्याउ खाँदा एकै परिवारका ४ जना बिरामी

रुकुम : रुकुम पश्चिममा जङ्गलबाट ल्याएको विषालु च्याउ खाँदा ५ जना गम्भीर बिरामी परेका छन्। चौरजहारी नगरपालिका ३ का &..