काठमाडौं : इङ्लिस क्लब म्यानचेष्टर सिटीलाई फुटबलको सर्वोच्च निकाय फिफाले जरिवाना गराएको छ।
युवा खेलाडी अनुबन्धका क्रममा नियम उल्लङघन गरेको कारण देखाउँदै फिफाको अनुशासन समितिले प्रिमियर लिग च्याम्पियन सिटीलाई ३ लाख ७० हजार स्विस फ्रान्क जरिवाना सुनाएको हो।
फिफाको आर्टिकल १९ मा अन्य देशबाट १८ वर्षभन्दा मुनिको खेलाडी अनुबन्ध गर्न नमिल्ने उल्लेख छ। सो नियम उल्लङघन गरेपछि कारवाही गरिएको हो।
