अर्थमन्त्रीमाथि छानबिन सुरु : विशेष समितिले माग्यो सीसीटीभी फुटेज



काठमाडौं । करको दर हेरफेर गरिएको भनिएको विषयमा छानबिन गर्न गठित संसदीय विशेष समितिले अर्थमन्त्रालयसँग सीसीटीभी फुटेजसहित अन्य कागजातहरु मागेको छ ।

मंगलबार सिंहदरवारमा बसेको समितिको पहिलो बैठकले बजेट निर्माणका क्रममा भएको भनिएको करको दर हेरफेरका सम्बन्धमा अध्ययन गर्न बजेट निर्माणको बेलाको सीसीटीभी फुजेट माग गर्ने निर्णय गरेको हो ।

समितिका सचिव सुरेन्द्र अर्यालका अनुसार सीसीटीभी फुजेटसहित अन्य आवश्यक काजगात समेत माग गर्ने निर्णय भएको छ । समितिको निर्णय अनुसार समिति सचिवालयले अर्थमन्त्रालयलाई पत्राचार गर्ने उनले जानकारी दिएका छन ।

पहिलो बैठकले समितिको आन्तरिक कार्यविधि पारित गरेको छ । सभापति चयनमा भने सत्तापक्ष र विपक्षले दाबी प्रस्तुत गरेपछि पहिलो बैठकले टुंग्याउन सकेन । अर्को बैठक बुधबार दिउँसो साढे २ बजेका लागि बोलाइएको छ ।

प्रतिक्रिया दिनुहोस्