एजेन्सी : बलिउडकी ड्रामा क्वीन भनिने राखी सावन्त पछिल्लो समय अर्को नाटकका कारण चर्चामा छिन्। राखीले केही समयअघि बिहे गरेकी थिइन् तर आफ्नो बिहेका बारे दुनियाँलाई सेक्रेट राखेकी छिन्। उनले आफ्ना पतिको अनुहार सार्वजनिक नगरेका कारण पनि धेरैले राखीको बिहे भएको कुरालाई झूठ मानिरहेका थिए। तर, उनले शेयर गरेको हनिमुनवाला तस्वीरमा उनका पति पनि देखिए।
खासमा राखीले तस्वीरमा चश्मा लगाएकी छिन्। तस्वीर लिँदा कालो चश्मामा उनका पति देखिएका छन्। उक्त तस्वीरमा पतिको अनुहार राम्रोसँग त देखिन्न तर भारतीय मिडियाले के अड्कल काटेका छन् भने उनी आफ्ना पतिसँग हनिमुनमा निस्केकी छिन्। राखीले सामाजिक सञ्जालमा लेखेकी छिन्, मेरा हनिमुन तस्वीर, मेरा पति बेस्ट है, मैले उनलाई माया गर्छु।
यसअघि पनि राखीसँग पतिको तस्वीर देखाउन फ्यानले अनुरोध गरेका थिए। तर राखीले बिहेपछि पतिका कुनै पनि तस्वीर शेयर गरेकी छैनिन्। यसबारेमा राखीले भनेकी छिन् कि, पति क्यामेरामा आउनै चाहँदैनन्। राखीले २८ जुलाईमा बिहे गरेकी थिइन्। तर, एक डरका कारण उनले यो कुरालाई कतै पनि सार्वजनिक गरेनन्। डर, यो थियो कि, राखीको बिहेको खबरले उनलाई फिल्मबाट अफर नै नआउन सक्छन्।
