काठमाडौँ । गत हप्ता उकालो लागेको सेयर बजार परिसूचक नेप्से यो हस्ता भने लगातार ओरालो लागेको छ । नेप्से लगातार चौथो दिन आज बुधवार पनि ओरालो लागेको हो ।
आज सेयर बजार परिसूचक नेप्से सामान्य ३.०७ अङ्कले ओरालो लागेको हो । आज नेप्से ओरालो लागेसँगै १९ सय ४ दशमलव ९८ विन्दुमा पुगेको छ ।
आज यस दिन सेन्सेटिभ इण्डेक्स ०१७ अङ्क बढेको छ भने फ्लोट इण्डेक्स ०.१८ अङ्क घटेको छ।आज विभिन्न २६६ स्टकको २४ हजार ३४९ पटकको कारोबारमा ८६ करोड ७६ लाख १ हजार रुपैयाँ बराबरको २९ लाख ७० हजार कित्ता शेयर किनबेच भएको छ ।
आज दुई स्टकको शेयर सकारात्मक सर्किट लेभलमा कारोबार भएको छ। सइनराज ब्लुचिप फण्डको इकाईमूल्य ७ प्रतिशतभन्दा बढी बढेको छ भने जोशी हाइड्रोपावरको सेयर मूल्य ६ प्रतिशत बढेको छ। आज ओरालो लाग्नेमा आदर्श लघुवित्त र बाराही हाइड्रोपावर रहेको छन् यीनिहरुको सेयर मुल्य सेयर मूल्य ४ प्रतिशतभन्दा धेरैले ओरालो लागेको छ ।
कारोबार रकमका आधारमा यस दिन प्रभु बैंकको संस्थापक शेयर शीर्ष स्थानमा रहेको छ। यस दिन प्रभु बैंकको ५ करोड २६ लाख रुपैयाँ बराबरको संस्थापक शेयर कारोबार भएको छ। शिवम् सिमेन्ट्स र नेष्डो समृद्ध लघुवित्तको यस दिन ३ करोडभन्दा बढीको शेयर खरिदबिक्री भएको छ।