तनहुँ । नेपाली कांग्रेसबाट तनहुँ क्षेत्र नम्बर १ को उपनिर्वाचनका उम्मेदवार गोविन्द भट्टराईले आफ्नो जित निश्चित रहेको बताएका छन्। व्यास नगरपालिका–११ बेल्टारीस्थित तनहुँ आधारभूत प्रावि मतदान केन्द्रमा मतदान गरेपछि उनले आफ्नो जित पक्का भएको दाबी गरेका हुन्।
‘तनहुँका जनता लोकतन्त्रको पक्षमा भएकाले जित निश्चित छ’, उनले भने, ‘हिजो पनि जनताकै बीचमा थिएँ,अहिले पनि छु। भोलि पनि जनताबीचमै रहनेलाई जनताले पत्याउँछ्न्।’
यसअघि तनहुँको व्यास नगरपालिकास्थित दमौलीमा रहेको सत्यवती मावि मतदान केन्द्रमा भेटिएका राष्ट्रिय स्वतन्त्र पार्टीका उम्मेवार डा. स्वर्णिम वाग्लेले पनि आफ्नो जित हुने बताएका थिए। ‘यो लोकतन्त्रवादीको किल्ला हो र हामीले उन्नत लोकतन्त्रको कुरा गरिरहेका छौँ। त्यसैले जनमत हाम्रो पक्षमा छौं’, उनले भने।
