काठमाडौँ । राष्ट्रपति रामचन्द्र पौडेलको स्वास्थ्य सुधार भएको छ । राष्ट्रपतिको स्वास्थ्य सुधारोन्मुख रहेको र उपचारसँग सम्बन्धित केही परीक्षण भइसकेको तथा अन्य केहीको परीक्षण भइरहेको राष्ट्रपतिको कार्यालयले जनाएको छ ।
पौडेको हाल भारतको नयाँ दिल्लीस्थित अल इन्डिया इन्स्टिच्युट अफ मेडिकल साइन्सेन्स (एम्स) मा भर्ना भई उपचाररत भइरहेको छ । राष्ट्रपति पौडेल यही वैशाख ६ गते थप उपचारका लागि भारत गएका हुन् । उपचारमा संलग्न चिकित्सकका अनुसार उनको स्वास्थ्य सुधारोन्मुख रहेको छ ।
एन्टिबायोटिकको प्रयोगका कारण राष्ट्रपति पौडेल केही शिथिल भएर पनि सामान्य हिँडडुल गर्ने अवस्थामा पुगेका उनको पारिवारिक स्रोतले जनाएको राष्ट्रपतिको सचिवालयले जनाएको छ ।
